Sabaqtyń taqyryby: Bilim tarlandary
Sabaqtyń maqsaty:
1. Oqýshylardyń matematıkadan alǵan bilimderin saralaý, deńgeılerin anyqtaý
2. Oqýshylardyń logıkalyq, tanymdyq daǵdylaryn damytý. Matematıka pánine degen qyzyǵýshylyqtaryn arttyrý.
3. Oqýshylardyń bilese jumys jasaýlaryn qalyptastyrý. Toptyq, dostyq qasıetterin damytý.

Barysy:
1. Uıymdastyrý bólimi
a) Amandasý
b) oqýshy nazaryn sabaqqa aýdarý
2. Negizgi bólim
1. Tanystyrý (toptyń aty, urany)
2. Logıkalyq suraqtar (topqa 10 suraq)
3. «Bilimdiler saıysy» (ár topqa test tapsyrmalary kartochka boıynsha)
4. «Sıqyrly kvadrat»
5. «Jańylmaımyn oıyny» (komanda kapıtanyna)
6. Jasyryn jumbaqty shesh.
7. Krosvord sheshý
3. Qorytyndy

İİ. Logıkalyq suraqtar.
İ - topqa
1. Paralel túzýler degenimiz ne?
2. Masshtab degenimiz ne?
3. 2 sanynyń kýby neshe?
4. Bólimderi birdeı bólshekterdi qalaı azaıtamyz?
5. 25 sanynyń kvadraty
6. 40 sanynyń tórtten bir bóligi.
7. Natýral sandarǵa qandaı sandar jatady?
8. Natýral sanǵa qandaı sandy qosqanda kelesi san shyǵady?
9. Tańbalary ár túrli sandardy qalaı qosamyz?
10. Koordınatalyq jazyqtyqty engizgen kim?

İİ - topqa
1. Proporsıa degenimiz ne?
2. Bólimderi ártúrli bólshekterdi qalaı qosamyz?
3. Perpendıkýlár túzýler degenimiz ne?
4. 20 sanynyń ekiden bir bóligi
5. 100 jyl basqasha qalaı atalady?
6. Ústeldiń tórt buryshy bar. Bir buryshyn kesip tastady, neshe buryshy qaldy?
7. Bir sanǵa sondaı sandy tirkep jazsa, ol neshe ese artady?
8. Teris sandardy qalaı salystyramyz?
9. Jıyndarǵa qoldanylatyn amaldar qandaı?
10. 4 sanynyń kýby neshege teń?

İİİ. “Bilimdiler saıysy”
Topshama boıynsha oqýshylarǵa 10 suraqtan turatyn test tapsyrmalary beriledi.
İV. «Sıqyrly kvadrat» toltyrý
İ - topqa
1, 2, 3, 4, 5, 6, 7, 8, 9 sandaryn 9 tordan turatyn sharshyǵa ornalastyrǵanda tiginen de, kóldeneńnen de, dıogonalynan da sıfrlar qosyndysy 15 bolýy kerek.
İİ - topqa
Toǵyz tordan turatyn sıqyrly sharshyǵa 2, 4, 6, 8, 10, 12, 14, 16, 18 sandaryn qaı baǵytta alsaq ta, qosyndysy 30 bolatyndaı etip ornalastyrý kerek.
V. «Jańylmaımyn» oıyny (Kapıtandar saıysy)
İ - topqa
1 mınýtta 3-ke qaldyqsyz bólinetin sandardy ata?
İİ - topqa
1 mınýtta 4-ke qaldyqsyz bólinetin sandardy ata?

Vİ. «Jasyryn jumbaqty shesh»
1. Bir kempir:
«Sapyryp - sapyryp Sarmanǵa ber,
Quıyp - quıyp Qurmanǵa ber,
Esiktegi ekeýge ber,
Tórdegi tórteýge ber,
Óziń ish te, maǵan ber.»- degen eken. Muny estigen urylar:-«Qoı munymyz beker bolar. Bul úı toly kisi, ári bizden eki ese artyq eken, keteıik,»- dep ketip qalypty.
Kempir tapqyrlyǵymen urylardy osylaı qorqytypty. Sonda úıde neshe adam, neshe ury?
2. Sanamaq esep
Túıe, bota mań basqan,
Tórt aıaǵyn teń basqan,
Shunaq qulaq bes eshki,
Qos laqty qos eshki,
Tórt qozyly eki qoı,
Bárin birge oılap qoı.
Qorytyndy:
Bilim degen bıik shyń,
Baqytqa seni jetkizer.
Bilim degen aqylshyń
Qıyndyqtan ótkizer,- dep búgingi «Bilim tarlandary» atty bilim saıysyn qorytyndylaımyz.
Qatysqandaryńyzǵa, tyńdaǵandaryńyzǵa rahmet!