Microsoft korporasıasynyń teń quryltaıshysy Bıll Geıts jasandy ıntellekt buryn-sońdy bolmaǵan aýqymda zıan keltiretin quralǵa aınalýy múmkin dep málimdedi. Kásipker NBC News telearnasyna bergen suhbatynda qaskóıler jasandy ıntellektiń ozyq tehnologıalaryn paıdalanyp, mıllıard adamnyń ólimine ákep soǵatyn oqıǵalardy bastaýy yqtımal ekenin eskertti, dep habarlaıdy infohub.kz saıty.
«Jasandy ıntellekt mıllıard adamnyń ólimine ákeletin oqıǵalardy basqarýǵa ábden qaýqarly. 100 paıyzǵa jetý qıyn bolǵanymen, zulym nıettegi adamdardyń jasandy ıntellektiń ozyq quraldaryn biriktirip qoldanýynan qýatty qarý bolǵan emes», — dep keltiredi Geıtstiń sózin NBC News.
Kásipkerdiń pikirinshe, ázirleýshiler qaýipsizdik erejeleriniń barlyǵyn óz betinshe belgilemeýi kerek. Ol AQSh bıligin jasandy ıntellektige mindetti baqylaý talaptaryn engizýge jáne talqylaýǵa zań shyǵarýshylar men quqyq qorǵaý organdaryn tartýǵa shaqyrdy.
«Ózin-ózi retteý jetkilikti dep eshkim oılamaıdy», — dedi Geıts.
Ol mindetti baqylaý kompanıalardan qosymsha shyǵyn talap etetinin, biraq tehnologıanyń damýyn aıtarlyqtaı tejemeýi tıis ekenin qosty. NBC News suhbattyń tolyq nusqasyn 27 qyrkúıekte kórsetýdi josparlap otyr.