Qazaqstan Ulttyq banki biryńǵaı QR kody arqyly tólem jasaǵanda keshbek alý múmkindigin túsindirdi, dep habarlaıdy infohub.kz.
Ulttyq bank tóraǵasynyń orynbasary B.Jalenovtyń aıtýynsha, biryńǵaı QR klıentterge keshbek alýǵa múmkindik beredi, alaıda ár bank loıaldyq baǵdarlamalarynyń sharttaryn ózi belgileıdi.
«Ár banktiń óz strategıasy bar: bireýler joǵary keshbek usynady, endi bireýleri barlyq operasıalar úshin standartty keshbek belgileıdi, al keıbireýleri tranzaksıa túrlerine qaraı saralaıdy. Ár bank óz strategıasyn tańdaıdy, sondyqtan keshbek jáne loıaldyq baǵdarlamalar ártúrli bolady», — dep túsindirdi Jalenov.
Ol sondaı-aq birneshe bank biryńǵaı QR paıdalanýshylaryna arnaıy usynystar daıyndap jatqanyn aıtty. Onyń aıtýynsha, úsh bank biryńǵaı QR arqyly tólem kezinde arnaıy loıaldyq baǵdarlamany iske asyratyny anyq, tıisti habarlandyrýlar búgin-aq paıda bolýy múmkin.