Saltanat Nýkenovany óltirgeni úshin sottalǵan Qýandyq Bıshimbaevtiń burynǵy áıeli Nazym Qaharman onyń anasy ózine qarsy sotqa talap aryz bergenin málimdedi, dep habarlaıdy infohub.kz.
Qaharman Instagram-daǵy jazbalarynda burynǵy qaıyn enesi odan shamamen 25 mıllıon teńge óndirip alýdy kózdep otyrǵanyn aıtty. Onyń aıtýynsha, bul — sońǵy eki jylda olar tarapynan túsken tórtinshi talap aryz, alaıda Bıshimbaevtiń anasynan túsken alǵashqysy. Al Qaharmannyń ózi osy ýaqyt ishinde tek bir ǵana talap aryz bergen — ata-ana quqyǵynan aıyrý týraly.
Ol sondaı-aq talaptyń mánin túsindirdi: buryn fıtnes-klýb ornalasqan, Qýandyq Bıshimbaevtiń anasyna resimdelgen úı-jaı týraly bolyp otyr. Qaharman bıznesti senimgerlik basqarý sharty negizinde júrgizgenin, osyǵan baılanysty talap qoıylǵanyn aıtady.
«Qazir senimgerlik basqarý sharty tuzaqqa aınalýy múmkin ekenin túsinip otyrmyn. Jyldar ótken soń menen talapkerler osy bıznesten túsken dep esepteıtin aqshany qaıtarýdy talap etip otyr», — dedi Qaharman.
Bıshimbaevtiń burynǵy áıeli endi óziniń alıment tóleý týraly talappen sotqa júginýin joqqa shyǵarmady.