Qyrǵyzstanda «EKSPO» ulttyq kórme kesheni paıda bolady. Bul eldiń halyqaralyq arenadaǵy pozısıasyn nyǵaıtýǵa tıis. Prezıdent Sadyr Japarov ony qurý týraly jarlyqqa qol qoıdy, dep habarlaıdy infohub.kz saıty.
«EKSPO Qyrǵyzstan» dep atalatyn joba strategıalyq memlekettik mindet retinde belgilendi. Alańdy Bishkek pen Shý oblysynyń aýmaǵynda ornalastyrý josparlanýda.
Bıliktiń oıynsha, jańa keshen eldiń ınvestısıalyq, eksporttyq jáne kórme-kongress áleýetin damytýǵa, sondaı-aq sheteldik ınvestısıalardy tartýǵa jáne halyqaralyq ekonomıkalyq yntymaqtastyqty keńeıtýge yqpal etýi kerek.
Jobany iske asyrý úshin Mınıstrler kabınetine memlekettik organdardyń jumysyn úılestiretin vedomstvoaralyq sarapshy jumys tobyn qurý tapsyryldy. Alaıda jarlyqta qurylystyń naqty merzimi, keshenniń aýdany, quny jáne bolashaq kórme alańdarynyń formaty kórsetilmegen.
Jańa keshenniń paıda bolýy Bishkek pen Almaty arasynda halyqaralyq kórmeler men iskerlik is-sharalar ótkizý úshin básekelestikti kúsheıtýi múmkin. Almatyda iri kórmeler men forýmdar kóbinese «Atakent» KSDS aýmaǵynda ótedi.
Buǵan deıin Almaty ortalyǵynda kópten kútken rekonstrýksıa bastalýy kerek ekeni habarlanǵan bolatyn, bul týraly keminde 2018 jyldan beri aıtylyp keledi.