Qyrǵyzstan astanasynda «Madına» bazarynda iri órt boldy. Jalyn shamamen 400 sharshy metr aýmaqty shaldy, dep habarlaıdy infohub.kz saıty.
Qyrǵyz basylymy 24.kg-diń málimetinshe, órtti sóndirýge qaladaǵy barlyq órt sóndirý mashınalary jumyldyrylǵan. Qyrǵyzstannyń TJM ókilderi oqıǵa ornynda on órt sóndirý esebi jumys istep jatqanyn naqtylady. Ahýaldy baǵalaý jáne is-qımyldy úılestirý úshin dron da qoldanyldy. Sonymen qatar, bazarǵa «Tazalyq» mýnısıpaldyq kásipornynyń úsh sý tasıtyn mashınasy men úsh jedel járdem brıgadasy jiberildi.
Órt 30 tamyzda tańerteń konteınerlerdiń birinde bastalyp, keıin saýda pavılondaryna aýysqan. Bishkek qalalyq ishki ister basqarmasynyń aldyn ala boljamy boıynsha, órttiń sebebi elektr symdarynyń tuıyqtalýy bolýy múmkin.
Polısıanyń málimetinshe, zardap shekkender joq. Órt kezinde bazar jumys istemegen: ol úsh kúnge jabylyp, satýshylar májbúrli demalysqa jiberilgen.
Órt oqshaýlandy. Qutqarýshylar qalǵan janý oshaqtaryna jetý úshin jabyq konteınerlerdi ashýdy jalǵastyrýda.