Kóktem keldi aýylǵa, mamyrlap bult,
Tań-tamasha dúnıe, dabyrlap jurt.
Kóktem keldi. Ómirdiń keleshegi -
Kókpen birge dúrkirep tól ósedi.
Saǵym qyzdyń ap qashyp oramalyn,
Asyr cap tentek jigit - jel esedi.
Kóktem kelip aýylǵa qyz kórikti,
Tań-tamasha dúnıe júzge enipti.
Asqar ala taýlardan asyp ári,
Aıaz atań barady muz bórikti.
Kóktem, kóktem! Qyz - kóktem aýyldaǵy
Óleń-jyr, ázil-kúlki aýyl mańy.
Tıanaq tappaı ushqan kók kóbelek,
Kók gúlge qondy-daǵy damyldady...

---