Halyqaralyq «Aqtóbe – Oral – RF shekarasy («Syrym» ótkizý pýnkti)» avtojolymen sapar shegýdi josparlap júrgen júrgizýshilerge qozǵalystyń ýaqytsha shekteletini týraly eskertildi. Shaǵan ózeniniń ústindegi kópirdi qalpyna keltirý jumystaryna baılanysty 26 shildede kóliktiń barlyq túri úshin qozǵalys alty saǵatqa tolyq toqtatylady, dep habarlady «QazAvtoJol» UK» AQ-na silteme jasaǵan infohub.kz saıty.
Jol qyzmetiniń habarlaýynsha, jóndeý jumystary Batys Qazaqstan oblysyndaǵy KAZ10 «Aqtóbe – Oral – RF shekarasy («Syrym» ó/p)» halyqaralyq mańyzy bar avtojolynyń 247-shaqyrymynda ornalasqan Shaǵan ózeniniń kópirinde júrgiziledi.
«Qalpyna keltirý jumystarynyń júrgizilýine baılanysty 2026 jylǵy 26 shildede osy ýchaskede barlyq avtokólik quraldary úshin qozǵalysqa ýaqytsha shekteý engiziledi. Shekteýler saǵat 05:00-den 11:00-ge deıin kúshinde bolady», – dep málimdedi «QazAvtoJol».
Júrgizýshilerge saparlaryn josparlaý kezinde ózgeristerdi eskerý, aldyn-ala balama baǵyttardy tańdaý jáne jóndeý jumystaryna baılanysty ýaqytsha qolaısyzdyqtardy túsinistikpen qabyldaý usynylady.
Qalpyna keltirý jumystary aıaqtalǵannan keıin kópirdegi qozǵalys ádettegi rejımde qaıta jandandyrylady dep josparlanýda.