Almatylyq bloger Sanat Áýeltaı alkotester arqyly qymyz ishken soń kólik júrgizýge bola ma, joq pa — sony anyqtaýdy uıǵardy. Tájirıbe úshin ol bashqurt qymyzynyń kúshtirek túrleriniń birin tańdady, dep habarlaıdy infohub.kz saıty.
1 lıtr ashytylǵan sút sýsynyn ishken soń bloger alkotesterge úrleı bastady jáne birneshe saǵat saıyn organızmdegi аlkogól deńgeıin tekserip otyrdy. Nátıjeler kútpegen jerden shyqty.
Qurylǵy mynadaı kórsetkishterdi tirkedi: 1 saǵattan keıin — 1,91 promılle; 1,5 saǵattan keıin — 1,84; 2 saǵattan keıin — 1,07; 3 saǵattan keıin — 0,48; 4 saǵattan keıin — 0,29; 5 saǵattan keıin — 0,13. Tek 7 saǵattan keıin ǵana alkotester 0 promılle kórsetti.
«Bul — meniń organızmim. Sizdiń organızmińizge qymyz basqasha áser etýi múmkin. Jalpy, qansha gram qymyz ishseńiz de, kólikke eshqashan otyrmańyz», — dep keńes berdi bloger.
Kólik júrgizgende аlkogól úshin qandaı jaza qarastyrylǵan
Qazaqstanda kólik júrgizýshilerine аlkogólge qatysty «nóldik tózimdilik» qaǵıdaty qoldanylady: júrgizýshiniń organızminde spırttiń bolýy jazalaýǵa negiz bola alady. Sondyqtan bul qymyz ba, аlkogól nemese dári-dármek pe — mańyzy joq.
Mas kúıde kólik júrgizgeni úshin 15 táýlik qamaý jáne 7 jylǵa júrgizýshi kýáliginen aıyrý qarastyrylǵan. Eger buzýshylyq jol-kólik oqıǵasyna ákep soqsa, qamaý merzimi 20 táýlikke ulǵaıady.
Buǵan deıin Kýrsıv Avto sońǵy úsh jylda Almaty psıhıkalyq densaýlyq ortalyǵynda mas bolý sebebi qymyz nemese shubat bolǵan jaǵdaılar tirkelmegenin jazǵan. Buǵan sýsynnyń sapasy men daıyndalý tásili áser etýi múmkin. Narkolog dárigerdiń aıtýynsha, mas bolýǵa kúdik týyndaǵanda qandy etanolǵa zerthanalyq tekserýden keıin ǵana túpkilikti qorytyndy jasalady.