Avtoservıs ıesi ári tanymal YouTube-bloger Ilá Svırıdov birneshe jyl armandaǵan dızeldi Toyota Land Cruiser 100 satyp aldy. Endi ol 2001 jylǵy «júzdikti» jaı paıdalanyp qana qoımaı, kólikti tolyq qalpyna keltirýdi kózdep otyr. Bul oqıǵanyń taǵy bir ereksheligi — mundaı kólikter Qazaqstanda áli de suranysqa ıe, dep habarlaıdy infohub.kz saıty.
«Klýbnyı servıs» YouTube-arnasynyń avtory kólikti izdeýge kóp ýaqyt ketkenin aıtty. Sońynda mamandar Land Cruiser-di Sankt-Peterbýrgten tapqan. Kólik ómiriniń kóp bóligin Qıyr Soltústikte ótkizip, blogerdiń aıtýynsha, kóptegen reagentten aman qalǵan.
Habarlandyrýda vnedorojnık 2,9 mln rúbl (shamamen 15,3 mln teńge) turǵan, biraq kelissózden keıin ony 2,6 mln rúblge (≈13,8 mln teńge) bergen. İrikteý kezinde mamandar segiz-toǵyz kólikti qarap shyqqan, al olardyń qyzmeti shamamen 200 myń rúblge (≈1,1 mln teńge) túsken.
Basty ólshem — kóliktiń jaı-kúıi boldy. 25 jyldyq «Krýzaktyń» túpnusqa esikteri, tabaldyryqtary, shanaq elementteri jáne zaýyttyq terimen qaptalǵan salony saqtalǵan. Ramasy da jaqsy kúıde, tek betki azdaǵan korozıasy bar.
«Bul oqıǵadaǵy eń bastysy – jaqsy kórip, aıalap, saqtap qalǵan nárseni tabý», — dep moıyndady bloger.
Satyp alynǵan vnedorojnık 204 at kúshi bar 4,2 lıtrlik dızeldi qozǵaltqyshpen jabdyqtalǵan. Onda klırensti retteıtin gıdropodveska, amortızatorlardyń qattylyǵyn retteý, ortalyq jáne artqy dıfferensıaldardyń buǵattalýy jáne tómendetkish berilis bar.
Svırıdov salonnyń kúıin bólek atap ótti. Túpnusqa teri shırek ǵasyrdan keıin de saqtalǵan, al qorap, razdatka jáne torsıondar ózindeı qalǵan. Jalǵyz baıqalatyn másele – ázirge istemeıtin artqy buǵattaý.
«Bul, meniń oıymsha, Toyota kompanıasynyń tarıhyndaǵy eń úzdik Toyota Land Cruiser», — dep esepteıdi Svırıdov.
Endi Land Cruiser 100-di tolyq qalpyna keltirý josparlanyp otyr: kólikti bólshektep, ramasyn qumdap, qaıta boıaıdy, shanaǵyn, aspasyn, salonyn jáne agregattaryn retke keltiredi. Svırıdov jóndeýden keıin «júzdik» jańadaı kórinip, biraq túpnusqa túrin saqtaýyn qalaıdy.
Qazaqstanda da bul modelge qyzyǵýshylyq saqtalyp otyr. Materıal daıyndalǵan sátte Kolesa.kz-te 1998–2007 jyldardaǵy Land Cruiser 100 týraly 463 habarlandyrý boldy. Al jalpy «Krýzaktar» boıynsha — 2 myńnan astam usynys.
Sonymen qatar «júzdikterdiń» baǵasy kúıine qatty baılanysty. Avtordyń ózi shamamen 3,5-ten 8 mln rúblge deıingi (shamamen 18,5–42,3 mln teńge) aralyqty ataıdy. Bizde qoljetimdi nusqalar da kezdesedi: mysaly, 4.2 dızeli bar 2001 jylǵy Land Cruiser 100 7 mln teńgege satylyp jatyr.
Buǵan deıin Kýrsıv Avto naryqtyń tómengi jaǵyndaǵy Land Cruiser 200 qalaı qaýipti tuzaqqa aınalýy múmkin ekenin jazǵan bolatyn.