Bódeneniń quıryǵy nege qysqa?
Bul bylaı bolǵan eken. Ertede mynaý, tómen jaqta bir bıik taý bolypty. Ol taýdan ári qaraı eshbir qus asyp óte almapty. Neler ushqyr, qyran qustar talaptanyp kóripti. Biraq, shamalary kelmepti.Búrkittiń ushqysh qyrany kelipti, asa almapty. Qyrǵıdyń ataqtysy kelipti, ol da asa almapty. Eń sońynda «endi kim qaldy?» - degende, bódeneden basqanyń bári synnan ótip bitken eken. Bódeneniń ataqtysy shaqyrylypty.
- Táýekel! - dep, bódene usha jónelipti. Shyrqap kóterilip baryp, taýdan ol da asa almapty. Sonan soń yzalanǵan bódene zymyrap quıylǵannan quıylyp kep, taýdy kókiregimen soqqan eken deıdi. Sonda ol taýdyń ar jaǵyna bir-aq túsip ketipti. Mine, sodan beri qaraı bódene qonǵanda aıaǵymen qonbaıdy, kókiregin jerge soǵa qonady. Al, quıryǵy naǵyp qysqa desek, álgi taý tesiginiń arasynda julynyp qalyp qoıypty. Áıtpese, buryn bódeneniń quıryǵy qyrǵaýyldyń quıryǵyndaı uzyn bolsa kerek.
Sóıtip, bıik taýdan asa almaǵan qustar ári qaraı bódene tesken tesikten asyp barypty deıdi.
You Might Also Like
-
Bir ǵulama shákirtiniń ár nárseden únemi shaǵymdanyp júretinin kórip qalady. Sodan bir kúni ol shákirtti shaqyrtyp alyp, tuzǵa jiberedi. Únemi zarlanyp júretin shákirt tuz alyp kelgen kezde qarıa oǵan b...
-
Burynǵy ótken zamanda bir patsha bolǵan eken. Onyń árbir tártibin halqy eki etpeı ýaqytymen oryndap turady eken. Bir kúni bul patsha: «Meniń árqashan halyq paıdasyna etken ámirim ornyna naqpa-na...
