Japonıada ótip jatqan 2026 jylǵy XX jazǵy Azıa oıyndarynda qazaqstandyq boksshy Natalá Bogdanova ulttyq quramanyń qorjynyna taǵy bir júlde saldy, dep habarlaıdy infohub.kz saıty.
Álemniń qazirgi chempıony 75 kıloǵa deıingi salmaq dárejesinde óner kórsetip, týrnırdi tikeleı shırek fınaldan bastady. Bul kezeńde onyń qarsylasy Ózbekstan namysyn qorǵaıtyn Azıza Zokırova boldy — álem jáne Azıa chempıonattarynyń júldegeri.
Birinshi raýndta barlyq tóreshilerdiń kartochkasynda qarsylas basym tústi. Alaıda sodan keıin Bogdanova bastamany óz qolyna alyp, tóreshilerdiń bólingen sheshimimen 4:1 esebimen jeńiske jetti.
Osylaısha qazaqstandyq sportshy jartylaı fınalǵa shyǵyp, keminde qola medaldi qamtamasyz etti. Sheshýshi jekpe-jekke shyǵý úshin ol Úndistannyń ókili Lovlına Borgohaınmen kezdesedi.
Natalá Bogdanova — 70 kıloǵa deıingi salmaq dárejesindegi álemniń qazirgi chempıony. Halyqaralyq World Boxing federasıasy ony 2025 jyldyń úzdik qyz-boksshysy dep tanydy.
2022 jyly Hanchjoýda ótken ótken Azıadada qazaqstandyq sportshy pedestalǵa kóterilgen bolatyn: ol kezde 66 kıloǵa deıingi salmaqta qola júldege qol jetkizgen.