Qazaqstandyq sportshylar Nargıza Bolatova men Iasmın Týıakova kórkem júzýden 2026 jylǵy Azıa oıyndarynda el qorjynyna alǵashqy medal saldy. Olar áıelder dýeti básekesinde úshinshi orynǵa turaqtady, dep habarlaıdy infohub.kz saıty.
Tehnıkalyq baǵdarlamadan keıin qazaqstandyq dýet nebári tórtinshi orynda kele jatqan. Alaıda erkin baǵdarlama qorytyndysy boıynsha sportshylar Ózbekstandyq qarsylastarynan basym túsip, tuǵyrǵa kóterildi.
Jalpy esepte Bolatova men Týıakova 565,7326 upaı jınap, qola júldege qol jetkizdi. Azıada-2026 chempıondary atanǵan Qytaı ókilderi Lın Ianszún men Súı Hýeııan 640,3576 upaımen márege jetti. Kúmisti japonıalyq Moe Hıga men Tomoka Sato 601,5566 upaımen jeńip aldy.
Iasmın Týıakova úshin bul — Azıa oıyndaryndaǵy dýet básekesindegi ekinshi qola júlde. Buǵan deıin ol Hanchjoý-2022-de Arına Pýshkınamen birge osy medaldi ıelengen edi. Sol joly Qazaqstan quramasy komandalyq týrnırde de úshinshi oryn alǵan, onda Bolatova men Týıakova da óner kórsetti.
Azıada-2026-da kórkem júzýden taǵy bir medal jıyntyǵy sarapqa salynady. 27 qyrkúıekte Qazaqstan quramasy aralas komandalar básekesinde tehnıkalyq baǵdarlamany, al kelesi kúni erkin baǵdarlamany usynady.