InfoHub Logo

Jarqyn tústerge boıalǵan qosmekendilerdi ǵalymdar brazılıalyq atlant ormandarynda tapty.

Jańa tabylǵan qosmekendiler Brachycephalus túrine jatady. Bul túrdiń ókilderi kishkentaı pishimderimen jáne jarqyn boıaýlarymen sıpattalady. Brazılıada anyqtalǵan baqalar óz túriniń eń usaqtary bolyp keledi – olardyń keıbiriniń uzyndyqtary santımetrden de aspaıdy.

Olardy aýlaıtyndar úshin eskertý: Brachycephalus-tiń jarqyn túsi baqanyń terisi shabýyldaýshyǵa qaýipti toksınge ıe ekenin bildiretin aldyn ala eskertý sıgnaly bolyp tabylady. 

Brachycephalus jaıly alǵashqy jazbalar 1824 jyly ǵylymı jumystarda paıda bolǵan, alaıda bul túrdiń kóptegen ókilderi sońǵy 15 jylda tabylǵan. Bul, olardyń qol jetpes aımaqtarda mekendeıtinimen baılanysty. «Qajetti orynǵa jetý úshin, bir baǵytqa ǵana biz ekiden segiz saǵatqa deıin júretinbiz», — deıdi zertteýshilerdiń biri Marsıo Pe.

Osylaısha, endi bıologtarǵa Brachycephalus túriniń 28 ókili tanys. Pe jaqyn jyldary bul tizim birneshe esege ósetinine senimdi. 

---