Ulybrıtanıa turǵyny Pettı Ellen shuǵyl kesar tiligi kezinde klınıkalyq ólimdi bastan keshirgen. Onyń aıtýynsha, sol kezde ol o dúnıeni kórgen, dep habarlaıdy infohub.kz saıty.
Ellenniń aıtýynsha, ómirlik fýnksıalar toqtaǵan soń, ol basqa bir ólshemge túskendeı bolǵan. Onda onyń aldynda 360 gradýstyq panoramalyq ekran paıda bolyp, ómirindegi eń mańyzdy sátter birinen soń biri kórsetilgen.
Áıeldiń sózinshe, ekranda eń uzaq ýaqyt boıy aýyr jáne qasiretti estelikter saqtalǵan. Bul oǵan tozaqqa túsip, máńgige sonda qalýǵa májbúr bolatyndaı sezim syılaǵan.
Brıtandyqtyń aıtýynsha, bul erekshe kúı jańa týǵan nárestesiniń alǵashqy daýysyn estigende toqtaǵan. Sol sátte ol esine kelip, ómirge qaıta oralǵan.
Dárigerlerdiń aıtýynsha, mundaı tájirıbeler klınıkalyq ólimdi bastan keshirgen adamdarda jıi kezdesedi. Alaıda ǵylymı qaýymda bul sezimderdiń o dúnıeniń bar ekendigine dálel bolatyny jóninde eshqandaı derek joq. Zertteýshilerdiń kópshiligi muny mıdyń otteginiń jedel jetispeýshiligi kezindegi jumys isteý erekshelikterimen túsindiredi.