Greenlink energetıkalyq jobasy Ýelstegi Freshýoter-Ýest jaǵajaıyndaǵy elf Dobbıdiń beıresmı eskertkishin buzbaý úshin qubyr tartý baǵytyn ózgertýge májbúr boldy. Bul týraly infohub.kz saıty habarlaıdy.
Jobanyń quny 430 mıllıon evroga baǵalanýda. Onyń aıasynda Ulybrıtanıadan Irlandıaǵa kún jáne jel energıasyn tasymaldaý úshin qubyr tartý josparlanǵan edi. Jumystar Freshýoter-Ýest jaǵajaıyna da áser etýi múmkin edi, dedi jobanyń burynǵy dırektory Saımon Ladlam.
Saga sújeti boıynsha, dál osy jerde elf Dobbı qaza tapqan. «Garrı Potter» jankúıerleri jaǵajaıda osy keıipkerdiń qurmetine beıresmı eskertkish jasaǵan. Jergilikti bılik qubyr tartýǵa ruqsat berip, bul jańalyq BAQ-ta taraǵan kezde, energetıkterge kitap pen fılm jankúıerlerinen júzdegen ashýly qońyraý kele bastady. Nátıjesinde kompanıa qubyrdy jaǵajaıdy aınalyp ótýge májbúr boldy.
Sonymen qatar, Qazaqstannyń Túrkistan jáne Jetisý oblystarynda arheologıalyq eskertkishter zaqymdanǵan. Birinshi jaǵdaıda olar maqta egý saldarynan joǵalǵan, al Jetisýda biregeı petroglıfter GES kaskadynyń qurylysyna baılanysty qaýip aımaǵynda qalǵan.
Buǵan deıin almatylyqtar qaladaǵy qorǵannyń buzylýyn qyzý talqylaǵany habarlanǵan.