Brıtandyq zertteýshiler qarapaıym nesep taldaýy arqyly qýyq qaterli isigin 99%-dan joǵary dáldikpen anyqtaı alatyn jańa genetıkalyq test ázirledi, dep habarlaıdy infohub.kz saıty.
Qýyq qaterli isigi álemdegi eń kóp taralǵan onkologıalyq aýrýlardyń ondyǵyna kiredi. Aýrýdyń basty belgisi — nesepte qannyń paıda bolýy. Alaıda standartty tekserý aǵzaǵa juqa kamera engizýdi talap etetin kúrdeli ári jaǵymsyz prosedýrany qamtıdy. Jaısyzdyq qaýpiniń joǵarylyǵy men qabyldaýǵa uzaq kútýge baılanysty kóptegen naýqas dárigerge barýdy keıinge qaldyrady.
Brıtandyq mamandardyń jańa ázirlemesi aýyrtpalyqsyz medısınalyq aralasýlarsyz-aq aýrýdy eń erte satysynda anyqtaýǵa múmkindik beredi. Test nesep úlgisinde isik damýyna qatysy bar 23 genniń izderi men erekshe aqýyzdardyń bar-joǵyn tekseredi.
Zertteýge myńǵa jýyq naýqas qatysty. Test qaýipti patologıalardyń joqtyǵyn júz paıyzǵa jýyq jaǵdaıda durys anyqtady, sondaı-aq 77 naýqastyń 71-inde aýrýdy tapty.
Ádistiń basty artyqshylyǵy — onyń qoljetimdiligi men adamdar úshin qaýipsizdigi. Tekserýdi basqa maqsattarǵa tapsyrylǵan nesep úlgilerinen de júrgizýge bolady, bul qaýip tobyndaǵy naýqastarda isikti kezdeısoq anyqtaýǵa múmkindik beredi. Dárigerler bul tehnologıany engizý myńdaǵan adamdy jaǵymsyz prosedýralardan qutqaryp, aýrýhanalardaǵy kezekti aıtarlyqtaı qysqartady dep úmittenedi.