Ulybrıtanıada estetıkalyq prosedýra jasatpaq bolǵan pasıentter aldyn ala dısmorfofobıaǵa tekseriledi. Bul týraly ITV News jazdy, dep habarlaıdy infohub.kz saıty.
Ulybrıtanıanyń Densaýlyq saqtaý jáne kútim jasaý ulttyq ınstıtýty (Nice) medısına mamandaryna arnalǵan nusqaýlyq jobasyn jarıalady. Onda kosmetıkalyq qyzmetke júgingen adamdardan mindetti túrde saýalnama alý usynylady. Bastamanyń maqsaty — dısmorfofobıa men obsessıvti-kompýlsıvti buzylystyń belgilerin ýaqytynda anyqtap, pasıentterge der kezinde mamandandyrylǵan kómek kórsetý.
Sarapshylar dısmorfofobıaǵa kúdik týyndaǵan jaǵdaıda klınıkalar kosmetologıalyq jáne hırýrgıalyq aralasýlardan múldem bas tartýy kerek ekenin atap ótti. Mundaı jaǵdaıda kez kelgen estetıkalyq manıpýlásıalar pasıenttiń emosıonaldyq stressin kúsheıtip, obsessıvti jaǵdaıyn odan ári ýshyqtyrýy múmkin. Ondaı kezde adamdy dereý beıindi mamandardyń konsýltasıasyna jiberý qajet.
Vedomstvo sondaı-aq mundaı buzylystar adamdar qorqynyshtary týraly aıtýdan uıalatyndyqtan jıi baıqalmaı qalatynyn atap ótti. Jańa nusqaýlyq medısına qyzmetkerlerin baǵyttaýshy suraqtardy belsendi qoıýǵa shaqyrady. Bul adamnyń jaǵdaıyn daǵdarys shegine jetkizbeı, máseleni erte kezeńde tanýǵa múmkindik beredi.