Brıtandyqtardy maqtan etetin nárse — shaı ishý, syra ishý nemese aýa-raıy týraly áńgimelesý emes. Public First zertteý ortalyǵy júrgizgen aýqymdy saýalnamaǵa sáıkes, eńbekqorlyq, ádildik jáne qoǵamdastyq — bul brıtandyqtardyń barlyq jastaǵy, áleýmettik toptaǵy jáne saıası kózqarastaǵy azamattaryn biriktiretin basty qundylyqtar, dep habarlaıdy infohub.kz saıty.
Zertteýge 6000 eresek adam qatysyp, 300 adammen fokýs-toptar ótkizildi. Qatysýshylarǵa eń mańyzdy qundylyqtardy tańdaý usynyldy. Nátıjesinde, «eńbekqorlyq» brıtandyqtardyń 70%-y úshin basty qasıet bolsa, «qoǵamdastyq» ta mańyzdy — 80% adamdar kórshiler bir-birine qamqorlyq jasaǵanda Brıtanıa eń jaqsy kúıinde bolady dep sanaıdy. Sondaı-aq, «ádildik» pen óz kezegin kútý — eń aıqyn ortaq qundylyqtar retinde ataldy.
Degenmen, zertteý brıtandyqtardyń bolashaqqa degen pesımızmin de anyqtady: respondentterdiń 65%-y Brexit-ten keıin el burynǵydan da jiktelgenin sezinedi. Árbir úshinshi adam ǵana Ulybrıtanıanyń bolashaǵyna úmitpen qaraıdy, al 70%-y sońǵy bes jylda jaǵdaı nasharlaǵanyn aıtady.
Sondaı-aq, saýalnamaǵa qatysqandardyń jartysy ımıgrasıanyń elge keri áserin tıgizgenin aıtsa, tek besten biri ǵana mádenı ártúrlilik maqtanysh sezimin týdyratynyn jetkizdi. Bul — qoǵamdaǵy tereń alshaqtyqty kórsetedi.
British Future dırektory Sander Katvalanyń pikirinshe, saıasatkerler adamdardy bóletin emes, biriktiretin qundylyqtarǵa júginýi kerek. Zertteýge qarjylandyrǵan Pears Foundation tóraǵasy Trevor Pırs adamdardy biriktiretin bastamalardy kóbeıtý qajettigin atap ótti.