Qazaqstannyń Damý banki Soltústik Qazaqstan oblysynda tehnıkalyq gazdar, elektr energıasy, maılar jáne basqa da ónimder shyǵaratyn zaýyt salýǵa ótinimdi qaraýǵa qabyldady. Memlekettik qaryz alýǵa ótinimdi osy jobany júzege asyryp jatqan Circular-M kompanıasy bergen, qazir ol «Bıznes-usynys» kezeńinde tur, dep habarlaıdy infohub.kz saıty.
QRD saıtyndaǵy joba kartochkasynda qaryz benefısıary retinde Shyńǵysqan Tortqara kórsetilgen. Alaıda qazirgi ýaqytta bul adamnyń kompanıaǵa zańdy qatysy joq.
Circular-M kompanıasy 2024 jyldyń naýryzynda tirkelgen. Bastapqyda kásiporyn Ekaterına Abdymajıtovaǵa tıesili boldy. 2025 jyldyń sáýirinde quryltaıshylar quramy ózgerdi: úsh apta boıy menshik ıesi Shyńǵysqan Tortqara boldy, sodan keıin 2025 jyldyń 30 sáýirinde fırma Erlan Shalqarbaevqa ótti. Barlyq belgilerge qaraǵanda, QRD-ǵa ótinim dál osy úsh aptalyq ıelik etý kezeńinde berilgen.
Aıta ketetini, Tortqara týraly ashyq derekkózderde eshbir eske alý joq: ol basqa kompanıalarǵa ıelik etpeıdi jáne esh jerde qyzmetker retinde tirkelmegen.
Qazirgi ýaqytta Circular-M quryltaıshysy ári jetekshisi Erlan Shalqarbaev. Ashyq derekterge súıensek, kásipkerge Qostanaıda tirkelgen jáne naqtylaýsyz keń assortımenttegi taýarlardy kóterme saýdalaıtyn Global Export Trade kompanıasy da tıesili. Shalqarbaevtyń basqa bıznesteri men affılıırlengen qurylymdary joq.
Circular-M-niń úsh ıesi men burynǵy ıeleriniń eshqaısysy týraly ınternette qosymsha aqparat joq.
Buǵan deıin «Kýrsıv» Qytaıdyń Jambyl oblysynda 1,2 mlrd dollarǵa qýatty metalýrgıa kombınatyn iske qosatynyn jazǵan.