Calvin Klein brendiniń kúzgi jańa naýqany áli bastalmaı jatyp, BTS-tegi Chongýk álemdi dúr silkindirdi. Súıikti ártispen túsirilgen qysqa tızer áleýmettik jelilerdi jaryp jiberdi, dep habarlaıdy infohub.kz saıty.
Beınebaıannyń basynda kórermenderge ártis júzi emes, qoly men bilegine salynǵan Army tatýırovkasy kórsetildi. Berilgen jankúıerler súıikti oryndaýshyny bir sátte tanyp, ınternetti tánti pikirlerge toltyrdy.
«Sizderde álemdegi eń ádemi model», «JK», «Chongýk basqa ǵalamda model boldy ma? Jigit bárin minsiz atqarady», — dep jazady qoldanýshylar.
Billboard habarlaýynsha, tızer birneshe saǵattyń ishinde Qytaıdyń Gýanchjoý qalasyndaǵy alyp syrtqy jarnama ekrandarynda paıda bolyp, júzdegen júrginshiniń nazaryn aýdardy.
Feel the Fit kúzgi naýqanynyń úshinshi bóligi qozǵalys, yrǵaq jáne kıimniń minsiz otyrýy ıdeıasyna qurylǵan.
Beınebaıan Chongýktiń Calvin Klein djınsysyn kıýinen bastalady, al sydyrmanyń dybysy bıtke aınalady. Bobbı Braýnnyń My Prerogative jáne Average White Band-tyń Cut the Cake áıgili trekteriniń súıemeldeýimen ártis stıldi bıleıdi. Jarnamalyq materıaldarda juldyz maýsymnyń basty trendterin — 90-shy jyldar stılindegi túrli kók reńktegi klasıkalyq tik djınsylar men keń balaqty oversaız djınsylardy kórsetedi.
Mýzykanttyń brendpen yntymaqtastyǵy áldeqashan tanymaldyq rekordtaryn jańartyp keledi. Buǵan deıin onyń jobalary markaǵa mıllıondaǵan dollar medıa-ekspozısıa ákelip, tipti PVH holdıńiniń aksıalarynyń ýaqytsha ósýine sebep bolǵan.
Buǵan deıin Kursiv LifeStyle BTS jankúıerleriniń biriniń Threads-tegi jazbasy naǵyz abyr-sabyr týdyrǵanyn jazǵan bolatyn. Qazaqstandyq Fatıma esimdi qoldanýshy toptyń solısimen túsken sýretin jarıalady.