Bank SentrKredıt Global Business Outlook halyqaralyq basylymynyń «Qazaqstandaǵy shaǵyn jáne orta bızneske arnalǵan eń ınovasıalyq bank» (Most Innovative SME Bank – Kazakhstan 2026) syılyǵyna ıe boldy. Bul marapat banktiń kásipkerlerge arnalǵan ozyq sheshimderdi ázirleýdegi kóshbasshylyǵyn rastaıdy, dep habarlaıdy infohub.kz.
Global Business Outlook sarapshylary BSK-nyń MSHB-ǵa qyzmet kórsetýdegi keshendi tásilin joǵary baǵalady. Negizgi jetistikterdiń qatarynda — qarjyny kez kelgen ýaqytta basqarýǵa múmkindik beretin jańa BCC Business mobıldi qosymshasy, nesıeler men kepildikterdi onlaın resimdeý, sondaı-aq eskroý-shottar men eskroý-qolhattardy aıyrbastaý arqyly qaýipsiz mámileler servısteri. Valútalyq baqylaý boıynsha keńesterge arnalǵan vıdeobankıng jáne valútalyq juptardyń eń keń spektri bar FX-aıyrbastaý pýnkti erekshe atap ótildi. Sonymen qatar, bank sıfrlyq teńgemen esep aıyrysýdy qosa alǵanda, sıfrlyq tólem ınfraqurylymyn damytyp, ınternet-ekvaırıng pen saýda ekvaırıńin jyldam qosýǵa múmkindik beredi.
«Shaǵyn jáne orta bıznes — bank úshin basym baǵyttardyń biri. Biz bıznes talaptary únemi ózgerip otyratynyn túsinemiz, sondyqtan tehnologıalardy damytyp, sıfrlyq servısterdiń múmkindikterin keńeıtip, bankpen ózara árekettesý kezinde klıenttik tájirıbeni jaqsartyp, ony barynsha qarapaıym ári tıimdi etemiz», — dep atap ótti Bank SentrKredıt prezıdenti Rýslan Vladımırov.
Global Business Outlook — bıznestiń ártúrli baǵyttaryndaǵy, ınovasıalar men salalardy damytýdaǵy jetistikteri úshin kompanıalar men qarjy uıymdaryn jyl saıyn atap ótetin halyqaralyq iskerlik basylym. Qatysýshylardy baǵalaý kezinde olardyń naryqtaǵy pozısıasy, qol jetkizgen nátıjeleri, júzege asyrylǵan bastamalary, ónimderi men qyzmetteri, sondaı-aq tıisti sektordy damytýǵa qosqan úlesi eskerildi.
Qazaqstan Respýblıkasy Qarjy naryǵyn retteý jáne damytý agenttigi bergen № 1.1.856.145 ámbebap banktik lısenzıasy, 05.08.2026 j.