Qazaqstannyń erler arasyndaǵy jeke syndaǵy birinshi raketkasy Aleksandr Býblık Shveısarıadaǵy Gshtaad qalasynda ótken kásipqoı tenısshiler qaýymdastyǵy (ATF) 250 sanatyndaǵy topyraq kortyndaǵy týrnırdi jeńilispen bastady, dep habarlaıdy infohub.kz saıty.
ATF reıtıńinde 11-orynda turǵan sportshy birinshi nómir retinde jerebe tastalyp, ekinshi aınalymǵa avtomatty túrde shyqty. Bul kezeńde ol álemniń 90-raketkasy, fransýz Kenten Alıske qarsy oınady.
Mach 16 shildede bastalǵanymen, jańbyrǵa baılanysty birneshe ret úzildi. Aqyrynda qarsylastar kelesi kúni oıyndy aıaqtady.
Kezdesý maksımaldy úsh setke sozylyp, onyń ekeýi taı-breıkte aıaqtaldy. Alıs 6:7 (4:7), 6:4, 7:6 (7:5) esebimen jeńiske jetti.
Tenısshiler kortta 2 saǵat 22 mınýt boldy. Osy ýaqyt ishinde Býblık 13 eıs jasap, alty qos qatelik jiberip, eki breık-poınttyń ekeýin de paıdalana almady.
Qazaqstandyq Gshtaadta chempıondyq ataǵyn qorǵaı almady. Ol 200 reıtıńtik upaıdan aıyryldy.
Al Alıs Shveısarıadaǵy topyraq kortyndaǵy jarystyń shırek fınalynda taǵy bir qazaqstandyq Aleksandr Shevchenkomen kezdesedi.