Buqtyrma sý qoımasynda zeınetkerdiń qaıyǵy kenetten kúsheıgen jelden aýdarylyp, ol sýǵa túsip ketti. Er adamǵa qutqarýshylar kómekke keldi, dep habarlaıdy infohub.kz saıty.
Oqıǵa Altaı qalasynyń mańynda boldy. Er adam qaıyqpen sý qoımasyna shyqqan, alaıda jeldiń kenetten kúsheıýinen qaıyq aýdarylǵan.
«Oqıǵa ornyna jaqyn mańda patrúldep júrgen qutqarýshylar jedel jetti. Olar er adamnyń sýdan shyǵýyna kómektesip, qaıyqty sýdan alyp, ony demalys bazasyna deıin jetkizdi. Qutqarýshylardyń jedel áreketiniń arqasynda qaıǵyly oqıǵanyń aldyn alý múmkin boldy», — delingen habarlamada.
TJM sýda júrgen kezde qaýipsizdik erejelerin saqtaý qajettigin eske saldy.
«Sýǵa shyqqanda mindetti túrde qutqarý keýdeshesin kıip, qaýipsizdik erejelerin saqtańyzdar», — dep shaqyrdy vedomstvo.