Jambyl oblysynda toǵyzynshy synyp oqýshysynyń anasy uly jasaǵan býllıng úshin 43 myń teńge aıyppul tóleıtin boldy, dep habarlaıdy infohub.kz.
Moıynqum aýdandyq soty kámeletke tolmaǵannyń anasyna qatysty ÁQBtK-niń 127-2-babynyń 3-bóligi (12-16 jas aralyǵyndaǵy adam jasaǵan býllıng) boıynsha ákimshilik is qarady. Oqıǵa 2026 jylǵy mamyrda bolǵan.
Atalǵan mekteptiń 9-synyp oqýshysy 8-synyp oqýshylarynan aqsha talap etken. Osyǵan baılanysty jasóspirimniń anasyna hattama toltyrylǵan. Býllıng jasaǵany dáleldengen.
Sotta azamatsha J. atalǵan jaǵdaıdy moıyndap, budan bylaı ondaıǵa jol bermeıtinine ýáde berdi. Prokýror oǵan 10 AEK mólsherinde aıyppul salýdy surady. Baptyń sanksıasy eskertý nemese ata-anaǵa 10 AEK kóleminde aıyppul salýdy kózdeıdi.
Sot jeńildetetin jáne aýyrlatatyn mán-jaılardy anyqtamady. Sot qaýlysymen ana kináli dep tanylyp, 43 myń teńge aıyppul salyndy. Sheshim zańdy kúshine endi.