13 tamyz tańerteń Býrabaıdaǵy Kókshetaý taýynda órt shyǵyp, ol tez arada oqshaýlandy. Ot tek 0,002 gektar orman alqabyn shalyp, úlken aýmaqqa taraǵan joq, dep habarlaıdy infohub.kz.
Órt oshaǵy saǵat 07:30-da «Býrabaı» ulttyq parkiniń Borovskoı ormanshylyǵy aýmaǵynda anyqtaldy. «Býrabaı» MUTP baspasóz qyzmetiniń málimetinshe, órt Kókshetaý taýynda, 10-shy kvartal, 8-shi bólikte, teńiz deńgeıinen 300 metrden astam bıiktikte tirkelgen. Ormanmen kómkerilgen aýmaqtaǵy órt aýdany 0,002 gektardy qurady.
Oqıǵa ornyna ulttyq parktiń kúshi men quraldary dereý jumyldyryldy. Órtti sóndirýge «Býrabaı» MUTP-nyń 10 qyzmetkeri, órt sóndirý mashınasy jáne shaǵyn orman órtin sóndirý kesheni qatysty. Sondaı-aq jumysqa «Qazavıaormanqorǵaý» RMQK tikushaǵy tartyldy.
Úılesimdi áreketterdiń arqasynda órttiń orman alqabyna taralýyna jol berilmedi. Qazirgi ýaqytta mamandar órttiń shyǵý sebebin anyqtap jatyr.
Ulttyq park órt qaýpi joǵary kezeńde tipti shaǵyn órt oshaǵy da ormanǵa úlken qaýip tóndirýi múmkin ekenin eske saldy. Park turǵyndary men qonaqtaryn órt qaýipsizdigi talaptaryn qatań saqtaýǵa jáne órttiń kez kelgen belgileri týraly dereý ulttyq park qyzmetkerlerine nemese 112 nómirine habarlaýǵa shaqyrdy.
Buǵan deıin Býrabaıdaǵy áıgili Kókshetaý men Bolektaý taýlaryna týrıserdiń shyǵýyna tyıym salynǵany habarlanǵan bolatyn.