«Býrabaı» ulttyq parkinde jeti tanymal týrısik marshrýtta beınebaqylaý kameralary iske qosyldy. Bul kelýshilerdiń qaýipsizdigin qamtamasyz etip, tártipti baqylaýǵa kómektesedi, dep habarlaıdy infohub.kz saıty.
Kursiv LifeStyle-tiń anyqtaýynsha, qurylǵylar «Bólektaý» taýynyń baqylaý alańyna, «Mahabbat alańyna» («Mahabbat alqaby»), «Aıýtas», «Kebistas» («Týfelka»), «Maksımka» jartastaryna, sondaı-aq «Moınaq jartasy» («Peresheek») jáne «Imanaı bulaǵy» («Imanaevskı rýcheı») alańdaryna ornatylǵan.
Ulttyq parktiń baspasóz qyzmeti bul júıeniń kelýshiler qaýipsizdigin arttyryp qana qoımaı, marshrýttarǵa kelýshiler sany týraly obektıvti derekter alýǵa jáne tabıǵat qorǵaý zańnamasynyń saqtalýyn baqylaýdy kúsheıtýge múmkindik beretinin túsindirdi.
Beınebaqylaý kez kelgen ýaqytta adamdardy tanı alady jáne 100 metrden astam qashyqtyqta aınalany tolyq sholýdy qamtamasyz etedi. Kameralardan alynǵan derekter naqty ýaqyt rejıminde ulttyq parktiń jedel basqarý ortalyǵyna jiberiledi, bul oqıǵalarǵa den qoıýdy aıtarlyqtaı jyldamdatady.
Buǵan deıin Kursiv LifeStyle «Býrabaı» ulttyq parkiniń kólderde ınfraqurylymnyń joqtyǵy, atap aıtqanda, qosymsha dárethanalardyń ornatylmaý sebepteri týraly túsindirmesin jarıalaǵan bolatyn.