Almaty oblysynda bıznes múddelerine nuqsan keltirgen buzýshylyqtar anyqtalǵannan keıin 2 myńnan astam kásipker qorǵaldy. Jyl basynan beri óńirde kásipkerlikke kedergi keltirgen 65 aralasý men shekteý joıyldy, dep habarlaıdy infohub.kz.
Bıznesti qorǵaý jumystary aıasynda kásipkerliktiń damýyna kedergi keltirgen úsh akt kúshin joıdy. Sonymen qatar, kásipkerlerdiń paıdasyna 469 mln teńge óndirildi.
Bıznespen ózara is-qımyl tártibin buzǵany jáne kásipkerlikke zańsyz aralasqany úshin 59 laýazymdy adam jaýapkershilikke tartyldy. Onyń 25-i tártiptik jazaǵa, al 34-i ákimshilik jaýapkershilikke tartyldy.
Kásipkerlerdiń aqshasyn jymqyrý isi bólek qaralýda. Burynǵy memlekettik qyzmetshige qatysty alaıaqtyq baby boıynsha sotqa deıingi tergeý júrgizilýde – ol aldaý arqyly kásipkerlerdiń aqshasyna ıe bolǵan.