Qytaıdyń BYD avtokompanıasy úlken Sealion 08 krosoverin tusaýkeserge daıyndap jatyr. Jańa kólik gıbrıdti jáne elektrlik nusqalarda shyǵady. Jańa býyn Blade batareıasymen jabdyqtalatyn krosover bir zarádta 900 shaqyrymǵa deıin júre alady, dep habarlaıdy infohub.kz saıty.
Ocean jelisine jatatyn avtomobıl fırmalyq «muhıt» stılinde jasalǵan. Onyń ólshemderi 5115×1999×1800 mm, al dóńgelek bazasy — 3030 mm. Salonǵa shamamen 15,6 dúımdik ortalyq ekran jáne sıfrlyq panel ornatylǵan.
Ekinshi qatardaǵy jolaýshylarǵa arnalǵan 21,4 dúımdik tóbe dıspleıi qarastyrylǵan. Sondaı-aq, jabdyqqa 25 dınamıki bar Devialet aýdıojúıesi, tońazytqysh, jeldetý, jylytý jáne massaj fýnksıalary bar oryndyqtar kiredi. Satyp alýshylarǵa bes jáne alty oryndyq nusqalar usynylady.
Elektrlik Sealion 08 bir nemese eki elektr qozǵaltqyshymen shyǵady. Bir qozǵaltqyshty nusqalardyń qýaty 430 nemese 496 at kúshin, al eki qozǵaltqyshty nusqa 784 at kúshine deıin jetedi. BEV úshin 92,1 jáne 115,1 kVt·syıymdylyqtaǵy akýmýlátorlar qarastyrylǵan. Nusqaǵa baılanysty CLTC qytaılyq sıkli boıynsha qýat qory 710, 800 nemese 900 shaqyrymǵa deıin jetedi.
Gıbrıdti nusqa 154 at kúshi bar 1,5 lıtrlik týrboqozǵaltqyshpen jáne bir nemese eki elektr qozǵaltqyshymen jabdyqtalady. Tek elektr qýatymen júrý qory — WLTC boıynsha 275–300 shaqyrym nemese CLTC boıynsha 400 shaqyrymǵa deıin.
Sealion 08 CTB batareıa men kýzov ıntegrasıasy tehnologıasyn qoldana otyryp jasalǵan. Basqa sheshimder qatarynda besinshi býyn DM gıbrıdti júıesi, artqy dóńgelekterdi basqarý, DiSus-A beıimdelgish podveskasy jáne eki kameraly pnevmopodveska bar. Krosover sonymen qatar jańa býyn Blade batareıasyn, jyldam zarádtaýdy qoldaýdy jáne God’s Eye 5.0 júrgizýshige kómek keshenin alady.
Tolyq sıpattamalar men baǵalardy BYD 2 qyrkúıektegi tusaýkeserde jarıalaýdy ýáde etedi. Buǵan deıin qýat qory 1008 shaqyrymdy quraıtyn BYD Da Han sedany Qytaıda satyla bastaǵany habarlanǵan bolatyn.