Cáýletshi Mımar Sınan
Sáýletshi Sınan 1490 jyly Kaıserıniń Aǵyrnas degen aýylynda týylyp, 1588 jyly 9 sáýirde Stambulda qaıtys boldy. Jas shaǵynda Stambulǵa kelip oqýyn tamamdap, ásker qataryna qosyldy. Chaldyran, Mysyr, Tebrıa, Baǵdat, Rodos pen Belgrad soǵystaryna qatysty. Sonymen qatar kóptegen memleketterge baryp, júzdegen qala kórip, barǵan jerlerinde arkalarmen kúmbezderdi zerttedi. Barlyǵynan ózine dáris alyp, qaǵazǵa túsirip júrdi. Keıin bas sáýletshi qyzmetine taǵaıyndaldy. Memleket qurylystaryn baqylady jáne sáýletshilerdi daıyndaıtyn Hassa Mımarlar Ortalyǵynda kúni túni sabaq oqytty. Sáýletshi Sınan memleketti meshitter, medreseler, kópirler, ǵımarattar, emhanalar, saraılar, monshalar, qoımalar jáne kerýensaraılarmen bezendirdi. Týyndysynyń eshqaısysy bir-birine uqsamaıtyn. Ol qysqa ǵana sáýletshilik qyzmetinde 364 óner týyndysyn qaldyrdy. Sáýletshi Mımar Sınannyń akýstıka salasynda jetken jetistikterine tipti osy kúngi ınjenerler de túsine almaı barmaǵyn tistep qalýda. Súleımanııa jáne Sálımııa meshitteri eń asqaq týyndylarynyń biri bolyp sanalady.
Mımar Sınan mazary.
Sálımıa meshiti:
Sáýletshi Sınannyń “sheberlik ónerim” dep baǵalaǵan Sálımııa meshiti Edırne qalasynyń bas táji bolyp sanalady. Sáýletshi Mımar Sınanǵa II- Sultan Sálımniń buıryǵymen 1568-1575 jyldar aralyǵynda saldyrylǵan meshit azan shaqyratyn úsh qabaty bar, tórt munarasymen kózge túsedi. Bul ásem munaralar meshittiń tóbesindegi kúmbezdi ustap turǵan tórt buryshtyń buryshtaryna qaratyp turǵyzylǵan.31,3 mdıametrdi quraıtyn meshittiń kúmbezi syrtqy kórinistiń negizgi kelbetin de kórsetip tur.
Sáýletshiniń basqa da keıbir týyndylary:
Súleımanıe meshiti.
Topkapy saraıy.
Shehzade meshiti
Mostar kópiri
You Might Also Like
