AQSh Ortalyq qolbasshylyǵynyń (CENTCOM) basshysy Bred Kýper Izraılmen birlesip Iranǵa soqqy jasaýdy qaıta bastaý qajet dep sanaıdy, dep habarlaıdy infohub.kz saıty.
Amerıkandyq áskerı qolbasshy bul ustanymyn Izraılge jaqynda jasaǵan saparynda, eldiń qorǵanys armıasynyń (SAHAL) joǵary qolbasshylyǵymen kezdesý kezinde bildirdi. Bul týraly Izraıl teledıdarynyń 13-arnasy habarlady.
Kýper ızraıldik áriptesterine Irannyń ınfraqurylymyna, onyń ishinde gaz, munaı jáne elektr energetıkasy nysandaryna soqqy jasaýdy qaıta bastaýǵa shaqyrdy.
«Iran ınfraqurylymyna jasalǵan shabýyl oıyn erejelerin ózgertedi jáne ırandyqtar úshin óte aýyr bolady, al qazirgi jaǵdaıda olar óz ustanymdaryn ózgertpeıdi», — dep keltiredi telearna Kýperdiń sózin.
CENTCOM basshysy sondaı-aq ızraıldik áskerı qolbasshylarǵa AQSH-tyń Iranǵa qarsy áskerı áreketterdi qaıta bastaýdan basqa tańdaýy qalmaýy múmkin ekenin jáne bul kúsh-jigerde evreı memleketiniń kómegi qajet bolatynyn aıtty.
Buǵan deıin Islam revolúsıasy saqshylary korpýsynyń (KSIR) ókili Irannyń AQSH-pen áskerı qaqtyǵysty taǵy úsh jylǵa sozý múmkindigin qarastyryp jatqanyn málimdegen edi.