Amerıkalyq akter Chad Loý men jubaıy, prodúser Kım Peınter 13 jastaǵy súıikti qyzdary Fıonanyń qaıtys bolǵanyn habarlap, qatty qaıǵyryp otyrǵanyn málimdedi. Bul týraly infohub.kz saıty jazady.
«Ol — aqyldy, shyǵarmashyl ári bılegendi jaqsy kóretin meıirimdi jas qyz edi. Apaly-sińlileri ony qatty jaqsy kóretin, ata-anasy oǵan degen súıispenshiligin aıamaıtyn. Shyn máninde, ol — ómirimizdiń nury bolatyn», — delingen otbasynyń Page Six jáne People basylymdaryna taratqan málimdemesinde.
«Onyń qazasy búkil otbasymyz úshin aýyr soqqy. Osy qıyn sátte bizden duǵa men jeke ómirimizdiń qupıalylyǵyn saqtaýdy suraımyz», — dep jalǵastyrdy otbasy.
Málimdeme sońynda: «Eger siz nemese tanysyńyz psıhıkalyq densaýlyqqa baılanysty qıyndyq kórip júrse, 988 nómirine qońyraý shalyp nemese habarlama jiberip, 988 Suicide & Crisis Lifeline qyzmetine habarlasyńyz», — dep jazylǵan.
Chad Loý — akter Rob Loýdyń aǵasy. Ol 1993 jyly «Life Goes On» telehıkaıasy úshin «Emmı» syılyǵyn jeńip alǵan. Sondaı-aq «Pretty Little Liars» jáne «Supergirl» sıaqty basqa da baǵdarlamalarda túsken.
Ol jáne Peınter — 17 jastaǵy Meıbl men 10 jastaǵy Nıksı esimdi qyzdarynyń da ata-anasy.