Qytaılyq Changan Auto avtokonserni Avatr jáne Deepal brendteriniń ishki prosesterin biriktiretin AD Collaborative Development Department atty jańa bólimshe qurdy, dep habarlaıdy infohub.kz saıty.
Qurylymnyń ataýy eki markanyń bas áripterinen quralǵan. Bólimshe brendterdiń ortaq prosesterimen aınalysady, al Avatr qosymsha dızaın, ónim ázirleý jáne platformalyq tehnologıalar boıynsha birlesken ortalyqtar ashady.
Markalar ázirleý, óndiris, satyp alý jáne ákimshilik jumystarda resýrstardy birlesip paıdalanady, alaıda táýelsizdigin saqtaıdy. Avatr men Deepal-dyń satylymy, ımıji jáne pozısıalanýy bólek qalady.
Changan shyǵyndy 20–30%-ǵa qysqartýdy josparlap otyr. Kompanıada avtokólik ıeleriniń quqyqtary men múddeleri ózgermeıtinine ýáde berdi.
Bul sheshim brendterdiń ártúrli serpini aıasynda qabyldandy. Qymbat elektromobıl segmentindegi Avatr 2026 jyldyń birinshi jartyjyldyǵynda 27,6 myń kólik jetkizdi – bul ótken jylǵydan 51,3%-ǵa az.
Deepal bolsa, sol kezeńde álem boıynsha 164,2 myń avto satyp, kórsetkishti 14,6%-ǵa arttyrdy. Shetelge jetkizilim 141%-ǵa ósip, 35,8 myń kólikke jetti.
İshki prosesterdi biriktirý Avatr-dyń Gonkongtegi IPO-ǵa daıyndyǵy aıasynda júrip jatyr. Kompanıa 2026 jyldyń maýsymynda prospektini qaıta tapsyrdy, sondyqtan qurylymnyń ózgerýi retteýshilerdiń qosymsha nazaryn aýdarýy múmkin.
2030 jylǵa qaraı Changan Avatr men Deepal-dyń jalpy jyldyq satylym kólemin 1,5 mln-nan astam avtomobılge jetkizýdi josparlap otyr.
Buǵan deıin Kýrsıv Avto Deepal men Avatr Qazaqstanda 2026 jyldyń kúzinde resmı túrde paıda bolatynyn jazǵan edi.