Threads áleýmettik jelisinde jańa trend taralyp keledi: qatysýshylar ChatGPT arqyly neırojeliniń olardy qalaı qabyldaıtynyn bilýge tyrysýda. Qazaqstandyqtar da óz nusqalaryn jarıalap, jasandy ıntellekt olardy qanshalyqty dál sıpattaı alǵanyn salystyra bastady, dep habarlaıdy infohub.kz saıty.
Trendke qosylý úshin ChatGPT-ke bos konteınerdiń sýretin júktep, dıalogqa myna mátindi jiberý qajet: «Men týraly biletinderińniń barlyǵyna súıene otyryp, osy konteınerdiń eki bóligin de maǵan arnalǵan ártúrli zattarmen toltyr».
Sodan keıin neırojeli paıdalanýshyǵa jáne onyń ómir saltyna qatysy bar dep eseptegen zattardan turatyn sýret jasaıdy. Nátıjesinde árkimniń ózindik biregeı jınaǵy shyǵady.
Áleýmettik jelilerde jarıalanǵan konteınerlerde ChatGPT túrli-túrli zattardy jınaqtaıdy. Bireýlerde smartfon, qulaqqap, kitaptar men kosmetıka bolsa, endi bireýlerde jumysqa, saıahatqa jáne hobbıge qatysty zattar bar.
Paıdalanýshylardyń nátıjege reaksıasy da ártúrli. Keıbireýler ózin sol jınaqtan tanysa, taǵy bireýler ChatGPT múlde dóp baspady dep esepteıdi.
Buǵan deıin Kursiv LifeStyle GPT-6 Astra tusaýkeseri týraly jazǵan bolatyn. OpenAI-diń sendirýinshe, model 3D-modelder, oıyndar men prezentasıalardy óz betinshe jasap, kod jazyp, braýzermen jumys isteı alǵan.