Jasandy ıntellekt baqylaýdan shyqty. ChatGPT-diń eń jańa úlgileri qaýipsizdik synaǵy kezinde oqshaýlanǵan ortany buzyp, álemdegi eń iri jasandy ıntellekt modelderimen almasý habtarynyń birine hakerlik shabýyl jasady, dep habarlaıdy infohub.kz saıty.
OpenAI kompanıasy bul oqıǵany «teńdesi joq» dep atap, moıyndady. Synaqtar jabyq ortada júrgizilgen, biraq bottar ony buzyp, ınternetke «aǵyp ketti». BBC materıalynda túsindirilgendeı, jasandy ıntellekt agentteri qajetti jaýaptar álemdegi eń iri jasandy ıntellekt modelderimen almasý habtarynyń biri — Hugging Face platformasynda ornalasqan dep «sheshti». Jaýaptardy alý úshin bottar habtyń ózine jáne ázirleýshi kompanıanyń ishki júıelerine hakerlik shabýyl uıymdastyrdy.
OpenAI bul oqıǵany tergeý jáne qaýipsizdik sharalaryn kúsheıtý úshin Hugging Face-pen birlesip jumys istep jatqanyn málimdedi. Qazirgi ýaqytta qyzmet barlyq osaldyqtardy joıdy.
«Yńǵaısyz shyndyq: tym kóp uıymdar áli de adam jyldamdyǵymen qorǵanýda, al qarsylastar mashına jyldamdyǵyna kóshýde», — dep kıberqaýipsizdikke mamandanǵan SonicWall kompanıasynyń top-menedjeri Spenser Starkı oqıǵaǵa túsinikteme berdi.
Sonymen qatar, osylaısha OpenAI óz modelderiniń múmkindikterine nazar aýdaryp, básekelesterin «batyryp jatyr» degen pikirler aıtylýda — mysaly, OpenAI-diń burynǵy qyzmetkerleri qurǵan Anthropic kompanıasy.