Chehıanyń Grades-Kralove qalasyndaǵy mýnısıpaldy uıym qyzmetkeri alaıaqtarǵa 46 mln krona (2 mln dollar) aýdaryp bergen, dep habarlaıdy infohub.kz.
Oqıǵa ótken aptada Grades-Kralove jyljymaıtyn múlik basqarmasynda bolǵan. Qarjyǵa jaýapty qyzmetker ózderin polısıa jáne Ulttyq bank qyzmetkeri retinde tanystyrǵan belgisiz adamdardyń psıhologıalyq qysymyna túsken.
Qylmyskerler kúrdeli aldaý sqemasyn qoldanǵan, al er adam basshylyqqa habarlamaı, búdjet qarajatyn bógde shottarǵa aýdaryp jibergen. Jalpy zıan shamamen 46 mln krona (2 mln dollar) boldy.
«Qarjymen jumys isteıtin naqty bir qyzmetkerdiń áreketinde aqaý boldy. Ol qysymǵa shydap, barlyq baqylaý jáne qaýipsizdik júıelerin aınalyp ótti», — dedi uıym dırektory Iaroslava Bernhardova.
Uıymda bul oqıǵa basqarmanyń aǵymdaǵy jumysyna áser etpeıtinine sendirdi: shottardaǵy aqsha men qyzmetkerlerdiń jalaqysy zardap shekpeıdi.
Bolǵan jaıt týraly polısıa men merıa habardar etildi, tergeý bastaldy. Qala ákimdigi qaýipsizdik júıelerin birneshe ret tekserip, olardyń senimdiligin rastaǵanyn, biraq ótken aptada İİM memlekettik qyzmetshilerge shabýyldardyń kóbeıgeni týraly eskertkenin atap ótti.
Grades-Kralove bıligi qyzmetkerlerdi alaıaqtyq sqemalardy tanýǵa úıretýdi kúsheıtýdi josparlap otyr. Oqıǵanyń basqa málimetteri tergeý múddesinde jarıalanbaıdy.