Londondyq «Chelsı» halyqaralyq joldastyq machta ıtalıalyq «Mılandy» basym túsip, jeńiske jetti, dep habarlaıdy infohub.kz saıty.
Kezdesý Djakartadaǵy (Indonezıa) «Gelora Býng Karno» stadıonynda ótip, aǵylshyn komandasynyń paıdasyna 3:0 esebimen aıaqtaldy. Esep birinshi taımnyń sońynda ashyldy: brazılıalyq shabýylshy Joao Pedro qarsylas qaqpasyna dál soqqy jasady. Ekinshi taımda, 46-mınýtta, ol dúbl jasap, «Chelsıdiń» basymdyǵyn nyǵaıtty. Bes mınýttan keıin ekvadorlyq jartylaı qorǵaýshy Moızes Kaısedo úshinshi goldy soǵyp, túpkilikti esepti belgiledi.
Eske sala keteıik, «Chelsı» sapynda 17 jastaǵy qazaqstandyq shabýylshy Dastan Satpaev óner kórsetedi, ol bul machqa qatyspady. Oıynshy bıyl jazda almatylyq «Qaırattan» londondyq klýbqa aýysqan edi. Buǵan deıin ol eki jabyq joldastyq kezdesýde oınady. Qazaqstandyq fýtbolshy «Chelsı» sapynda resmı deńgeıde óner kórsete alady, alaıda ol kámeletke tolǵannan keıin (12 tamyz) ǵana.