Aǵylshyndyq «Chelsı» men malaızıalyq «Djohor Darýl Tazım» arasyndaǵy maýsym aldyndaǵy joldastyq kezdesý teń aıaqtaldy. Mach Malaızıanyń ekinshi úlken qalasy Djohor-Barýdaǵy «Sýltan Ibragım» stadıonynda ótti, dep habarlaıdy infohub.kz.
Alań ıeleri úsh gol soqty: 15-mınýtta malaızıalyq jartylaı qorǵaýshy Arıf Aıman, 65-mınýtta ıspandyq vınger Oskar Arrıbas, al 87-mınýtta brazılıalyq shabýylshy Bergson mergendik tanytty. Qonaqtardyń atynan aǵylshyn shabýylshysy Lıam Delap penaltıden dúbl jasady (43 jáne 62-mınýttar). Sońǵy núkteni 89-mınýtta ıspandyq qorǵaýshy Antonıo Glaýderdiń avtogoly qoıdy.
Qazaqstan quramasynyń shabýylshysy Dastan Satpaev machty qosalqy quramda bastap, 87-mınýtta senegaldyq shabýylshy Nıkolas Djeksonnyń ornyna alańǵa shyqty. Satpaev «Chelsı» sapynda maýsym aldyndaǵy daıyndyqty tolyqqandy ótkizip jatyr. 12 tamyzda oǵan 18 jas tolady, sodan keıin qazaqstandyq londondyq klýb úshin resmı oıyndarda óner kórsete alady.
«Chelsı» sońǵy joldastyq machyn 15 tamyzda óz alańynda «Stemford Brıj» stadıonynda ıspandyq «Real Sosedadqa» qarsy ótkizedi.