Almatyda FIDE World University Team Chess Championship-2026 ýnıversıtetter arasyndaǵy komandalyq álem chempıonaty aıaqtaldy. Jarysta Ekaterınbýrgtegi Oral memlekettik taý-ken ýnıversıtetiniń komandasy jeńiske jetti. Qazaq ulttyq sport ýnıversıtetiniń komandasy úshinshi orynǵa ıe boldy, dep habarlaıdy infohub.kz saıty.
Fınaldyq kezdesýde Ekaterınbýrg pen Sent-Lýıs komandalary segiz partıanyń altaýynda teń oınady. Reseılikterdiń jeńisine halyqaralyq sheber Lıa Garıfýllına sheshýshi úles qosty. Ol amerıkalyq áıelder grosmeısteri Talıa Kervantes-Landeırony eki ret jeńdi.
Qola medal úshin ótken mach týrnırdiń naǵyz kórkine aınaldy. Birinshi týrda jeńilgen qazaqstandyq shahmatshylar ekinshi týrda revansh aldy. Negizgi ýaqyt teń aıaqtaldy, blıs te teń boldy. «Armageddon» formatyndaǵy sýperblıste Qazybek Nógerbek úndistandyq grosmeıster Adıtı Samantty jeńip, komandasyna qola júldeni ákeldi.
Chempıonatty uıymdastyrýshylar — FIDE, QR Týrızm jáne sport mınıstrligi, QR Ǵylym jáne joǵary bilim mınıstrligi, Qazaqstan shahmat federasıasy jáne Almaty qalasynyń ákimdigi. Bas seriktester — Freedom kompanıalar toby jáne «Shapaǵat» korporatıvtik qory.
Týrnırdiń júlde qory 50 myń eýrony qurady. Reseılik jeńimpazdar 25 myń eýro, amerıkalyq vıse-chempıondar 15 myń eýro, al qazaqstandyq komanda 10 myń eýro aldy.