Chevrolet Cobalt Qazaqstan men Ózbekstan naryǵyndaǵy eń suranysqa ıe modelderdiń biri bolyp qala beredi. Alaıda kórshi elde bul sedan satyp alýshyǵa arzanǵa túsedi. Al tanymal krosoverlerdiń birqataryn, kerisinshe, Qazaqstannan satyp alǵan tıimdi, dep habarlaıdy infohub.kz saıty.
2026 jyly shyǵarylǵan, 1,5 lıtrlik qozǵaltqyshpen jáne avtomatty berilis qorabymen jabdyqtalǵan Chevrolet Cobalt Qazaqstanda 6,5 mln teńgeden bastap usynylady. Qyrkúıek aıynyń sońyndaǵy aǵymdaǵy baǵam boıynsha bul shamamen 171 mln sýmdy quraıdy. Ózbekstanda Cobalt Style MCM nusqasy 156,1 mln sým turady. Osylaısha, aıyrmashylyq shamamen 15 mln sýmdy, ıaǵnı 570 myń teńgeni quraıdy, al qazaqstandyq baǵa shamamen 10%-ǵa joǵary bolyp shyǵady.
Aıta keteıik, Ózbekstanda 2026 jyldyń qańtar–maýsym aılarynda ortasha aılyq jalaqy 7,1 mln sýmdy qurady, bul sol baǵam boıynsha shamamen 270 myń teńgege teń. Qazaqstanda osy kezeńde ortasha jalaqy 480,5 myń teńgege jetti. Demek, «Kоbált» baǵasynyń aıyrmashylyǵy Ózbekstandaǵy eki ortasha jalaqydan asyp túsedi.
Tanymal krosoverlerde jaǵdaı kerisinshe. Máselen, Hyundai Tucson Qazaqstanda 12,5 mln teńgeden bastap usynylsa, Ózbekstanda baǵasy shamamen 429 mln sýmnan, ıaǵnı 16,3 mln teńgeden bastalady. Aıyrmashylyq 3,8 mln teńge shamasynda.
Kia Sportage-te de jaǵdaı uqsas. Qazaqstandaǵy resmı dılerlerde baǵalar 12,8 mln teńgeden, al Ózbekstanda 432,2 mln sýmnan (≈16,4 mln teńge) bastalady. Aıyrmashylyq 3,6 mln teńgege jetedi.
Qytaılyq avtomobılder de Qazaqstanda jıi arzan. Changan CS55 Plus Qazaqstanda shamamen 10,5 mln teńge, al Ózbekstanda 300 mln sým, ıaǵnı 11,4 mln teńge turady. Osylaısha, qazaqstandyq krosover shamamen 910 myń teńgege arzan.
Hyundai Mufasa Qazaqstanda shamamen 12 mln teńgege, al Ózbekstanda 369 mln sýmǵa (14 mln teńge) usynylady. Jetour X70 Qazaqstanda 9,9 mln teńge, Ózbekstanda 286,1 mln sým, ıaǵnı shamamen 10,9 mln teńge turady. Haval M6-da aıyrmashylyq az: Qazaqstanda shamamen 9,04 mln teńge, Ózbekstanda shamamen 9,52 mln teńge. Haval Jolion Qazaqstanda 8,75 mln teńgeden bastap satylsa, ózbekstandyq baǵasy shamamen 10,6 mln teńgege teń.
Salystyrý eki naryqtaǵy avtomobılderdiń bastapqy baǵalaryndaǵy aıyrmashylyqty kórsetedi, biraq komplektasıa erekshelikterin eskermeıdi. Qazaqstan men Ózbekstanǵa arnalǵan kólikter qozǵaltqyshtarymen, berilis qoraptarymen, jabdyqtalýymen jáne basqa da sıpattamalarymen erekshelenýi múmkin. Sonymen qatar, óz betinshe ákelingen avtomobıldiń túpkilikti qunyna logıstıka, kedendik jáne basqa da tólemderdi qosýǵa týra keledi.
Sondyqtan kórshi eldegi mashınanyń arzan baǵasy ony Qazaqstanǵa ımporttaý jergilikti resmı satýshydan avtomobıl satyp alýdan tıimdi bolady degendi bildirmeıdi.
Buǵan deıin Kýrsıv Avto Cobalt tamyz aıynda Qazaqstannyń avtokólik naryǵynda birinshi oryndy saqtap qalǵanyn habarlaǵan bolatyn.