AQSH-tyń Chıkago qalasy men Indıana shtatynyń soltústik-batys bóliginde tolassyz jańbyr men qatty jeldiń saldarynan jarty mıllıonnan astam adam elektr jaryǵynsyz qaldy. Bul týraly infohub.kz saıty habarlaıdy.
Seısenbi kúni aımaqty sharpyǵan qaýipti daýyl aspandy qarańǵylyqqa bólep, shtattar aralyǵynda óte kúshti jel týdyrdy. Illınoıs pen Indıanada tornado dabyly estilip, Chıkagonyń eki iri áýejaıynda tańǵy ýaqytta barlyq reıster ýaqytsha toqtatyldy. Jeke meteostansıalardyń málimetinshe, jeldiń jyldamdyǵy saǵatyna 128 shaqyrymnan asqan kóptegen jaǵdaı tirkelgen.
Ulttyq meteorologıalyq qyzmeti bul daýyldardy «óte qaýipti» dep sıpattady. Áleýmettik jelilerde joldardyń sýǵa tolyp, aǵashtardyń elektr symdaryna qulaǵany jáne úılerdiń shatyrlarynyń jyrtylǵany kórsetilgen fotosýretter tarady. Chıkagonyń mańyndaǵy Hoýmvýd qalashyǵynda daýyl ótkennen keıin, 54 jastaǵy Djavıd Djenkıns úıindegi tońazytqyshtaǵy azyq-túlikti saqtaý úshin generatordy iske qosýǵa janarmaı izdep júrgenin aıtty.
«Jaryq joq. Bul óte qorqynyshty boldy. Biz jertólede otyrdyq», — dedi Djenkıns. «Biz qarǵa, sýyqqa úırengenbiz. Biraq buǵan daıyn emespiz».
Poweroutage.us saıtynyń málimetinshe, Illınoıs pen Indıanada 600 myńnan astam tutynýshy jaryqsyz qalǵan. Indıananyń Leık jáne Porter okrýgteri, sondaı-aq Chıkagodan ońtústikke qaraı ornalasqan Illınoıstyń Ýıll okrýgi erekshe zardap shekti. Shyǵysqa qaraı Ogaıo shtatynda 166 myńnan astam tutynýshy elektr jaryǵynsyz qaldy.