Jýrnalıserine ótken aptada Aq úıge kirýge tyıym salynǵan úsh amerıkalyq jańalyqtar uıymy AQSh prezıdenti Donald Trampqa qarsy federaldyq sotqa talap aryz berdi, dep habarlaıdy infohub.kz saıty.
NUR.KZ-tiń Politico-ǵa silteme jasap habarlaýynsha, talap qoıýshylar — CNN, Politico jáne MS NOW. Jaýapkerler qatarynda memleket basshysynan bólek, onyń ákimshiliktegi úsh negizgi keńesshisi bar. Basylymdar óz tilshileriniń akredıtasıasyn qalpyna keltirýdi talap etip, kenetten salynǵan tyıymdy «Konstıtýsıanyń Birinshi túzetýine tikeleı qol suǵýshylyq» jáne úkimettiń baspasózdiń ne týraly habarlaıtynyn sheshpeıtindigi týraly qaǵıdatty buzý dep baǵalady.
«Aq úı aldyn ala eskertýsiz jáne prosestik normalardy saqtamaı, bizdiń jýrnalıserimizdiń akredıtasıasyn qaıtaryp aldy, óıtkeni bizdiń reportajdarymyzǵa qarsy boldy. Eger buǵan (Tramp ákimshiliginiń tyıymy — red. esk.) jaýap berilmese, baspasóz bostandyǵyna jáne qoǵamnyń bıliktiń aralasýynsyz táýelsiz jýrnalısıkaǵa degen quqyǵyna qaýip tónedi», — delingen BAQ-tyń birlesken málimdemesinde.
Uıymdar AQSH-tyń Vashıngtondaǵy okrýgtik sotynan ákimshiliktiń áreketterin konstıtýsıaǵa qaıshy dep tanyp, olardyń odan ári oryndalýyna tyıym salýdy shuǵyl túrde surady.
Talap aryz boıynsha jaýapkerler Tramptan bólek, Aq úı apparatynyń jetekshisi Súzı Ýaıls, komýnıkasıalar jónindegi dırektory Stıven Cheng jáne Qupıa qyzmet dırektory Shon Karran boldy.
Eske salaıyq, 18 qyrkúıekte AQSh prezıdenti CNN, MS NOW jáne Politico tilshilerine Aq úıge kirýge tyıym salatynyn málimdedi, sebebi bul basylymdar jalǵan jańalyqtar taratady dep aıyptady. Kelesi kúni-aq osy basylymdardyń jýrnalıseri olardy Aq úıge kirgizbegenin habarlady. Osydan keıin Donald Tramp CNN, MSNBC jáne Politico logotıpteri bar qoqys qaptarynyń sýretin jarıalady.