Aspen qalasynyń ortalyǵyndaǵy fermerler bazarynda turǵyndar tańǵy nan men tátti toqashtardy qumarta jep jatqan adamǵa ádette onsha nazar aýdarmaıdy. Alaıda ótken demalys kúnderi bul «turǵyn» ash aıý bolyp shyqty. Kolorado shtatynyń Aspen qalasynda senbi kúni kýágerler aıýdyń saýda qatarlaryn aralap, artqy aıaqtaryna tik turyp, naýbaıhana ónimderin qazbalap jep jatqanyn kórip, telefondaryna sýret pen beıne túsire bastady, dep habarlaıdy infohub.kz saıty.
Bir sátte aıý toqashtarǵa jaqyndaý úshin ústelge sekirip shyqty. Qysqy uıqyǵa daıyndalyp, dene salmaǵyn jınap jatqan aıý satýshylar saýda núktelerin jańadan quryp jatqanda paıda bolǵan. Bul týraly Denver Post gazetine Kolorado shtatynyń parkter men jabaıy tabıǵat qyzmetiniń ókili Djoýı Lıvıngston habarlady.
Lıvıngstonnyń aıtýynsha, polısıa qyzmetkeri aıýdy adamdardan da, naýbaıhana ónimderinen de alystatýǵa shara qoldanǵan. Sol kezde atalǵan qyzmettiń mamany oqıǵa ornyna kele jatqan edi. Aıý aǵashqa órmelep shyǵyp, keıin sol mańnan ketip qaldy.
Aıýlar qysqy uıqy aldynda erekshe belsendi ári qorekke zárý. Rekordtyq qurǵaqshylyq qorek kózderin azaıtyp, halyqpen qarym-qatynas sanyn kóbeıtip otyr.