6-9 tamyz aralyǵynda Astanada halyqaralyq Comic Con Astana festıvali ótedi. İs-sharanyń basty qonaqtarynyń biri – Netflix-tiń «One Piece» serıalyndaǵy Sandjı rólimen tanymal brıtandyq-ıspandyq akter Taz Skaılar, dep habarlaıdy infohub.kz.
Akter aspaz ári jekpe-jek sheberi Sandjıdiń róli arqyly keńinen tanyldy. Sandjı – tanymal manga men anımeniń ekrandalǵan nusqasyndaǵy Saban qalpaqty pırattar tobynyń basty músheleriniń biri.
«One Piece»-ten basqa, Taz Skaılar «Tochka kıpenıa» (Boiling Point) fılmi men serıalynda, «Klıner» (Cleaner) ekshn-trıllerinde, «Ýbıstvennaıa komanda» (The Kill Team) áskerı dramasynda jáne «Agata Reızın» (Agatha Raisin) detektıvtik komedıasynda túsken. Akterlik mansaptan bólek, ol senarıst, rejıser jáne prodúser retinde jumys isteıdi, sondaı-aq ekstremaldy sport túrlerine áýes.
Festıvál kezinde ártis Comic Con Astana-nyń basty sahnasyna shyǵyp, jankúıerlerimen kezdesip, olardyń suraqtaryna jaýap berip, avtograf jáne fotosessıalarǵa qatysady.
Taǵy bir sheteldik qonaq – ońtústikkoreıalyq K-pop toby Kandis. Ujym festıvál qonaqtaryna arnalǵan arnaıy baǵdarlama usynady. Buǵan deıin top Qazaqstanda ótken Silk Way Star halyqaralyq televızıalyq vokaldyq baıqaýynda Ońtústik Koreıanyń atynan qatysqan.
Comic Con Astana Ortalyq Azıadaǵy zamanaýı pop-mádenıettiń eń iri festıvali sanalady. Ol jyl saıyn ártúrli elderden kıno, serıal, anıme, komıks, beıneoıyn jáne kospleı áýesqoılaryn jınaıdy.
2026 jyly festıvál taǵy da eki alańda – Barys Arena jáne «Alaý» muz saraıynda ótedi. Ortalyq oqıǵalardyń biri – júlde qory 20 mln teńgeni quraıtyn halyqaralyq kospleı baıqaýy.
Festıválge bıletter Comic Con Astana resmı saıtynda qoljetimdi.