COVID-19 pandemıasy аlkogólden týyndaıtyn baýyr isiginen bolatyn ólimniń azaıý úrdisin keri qaıtardy, dep habarlaıdy infohub.kz.
COVID-19 pandemıasyna deıin аlkogólge baılanysty baýyr isiginen bolatyn ólim azaıyp kele jatqan edi, alaıda 2020-2023 jyldary bul kórsetkish óse bastady, dep jazady News-Medical. Ǵalymdar 1990-2023 jyldar aralyǵyndaǵy 204 el men aýmaqty qamtıtyn Global Burden of Disease zertteýiniń derekterin taldady. Olar аlkogólge baılanysty tórt jaǵdaıdan bolatyn ólim dınamıkasyn zerttedi: baýyr isigi, sırroz, аlkogóldik kardıomıopatıa jáne аlkogóldi tutynýdan týyndaıtyn buzylystar.
Sırroz, kardıomıopatıa jáne аlkogóldik buzylystar boıynsha kórsetkishter 1990 jyldan beri birtindep tómendep kelse, baýyr isiginen bolatyn ólim basqasha sıpat aldy. 2016-2019 jyldary bul kórsetkish jylyna 0,74%-ǵa azaıǵan bolsa, pandemıa kezinde (2020-2023 jyldary) jyl saıyn 1,73%-ǵa óse bastady. Áıelder arasyndaǵy ósim jylyna 2,73%-dy qurasa, erlerde 1,47%-dy qurady.
Zertteýshilerdiń pikirinshe, bul úrdistiń ózgerýine onkologıalyq aýrýlardy skrınıngteýdegi aqaýlar, dıagnostıka men emdeýdiń keshigýi, sondaı-aq аlkogól tutyný ádetteriniń ózgerýi áser etti. Modelderdiń boljamy boıynsha, 2050 jylǵa qaraı аlkogólden týyndaıtyn baýyr isiginen bolatyn ólim, ásirese áıelder arasynda, óse beredi.