Sabaqtyń taqyryby: Dala ósimdikteri men janýarlary
Dúnıetaný, 4 synyp
Sabaqtyń maqsaty:
1. Bilimdilik: Dalalyq beldeý, onyń erekshelikteri jáne dala janýarlary men ósimdikteri týraly túsinik qalyptastyrý.
2. Damytýshylyq: Pánge qyzyǵýshylyqtaryn arttyrý, oı - óristerin, este saqtaý, óz oıyn erkin jetkizý múmkindikterin damytý.
3. Tárbıelik: Qorshaǵan ortaǵa, ósimdikter men janýarlar álemine qamqorlyqpen qaraýǵa, ujymshyldyqqa, toppen, juppen jumys isteýge tárbıeleý.
Sabaqtyń túri: Jańa bilim berý, toppen jumys
Sabaqtyń ádisi: toptyq, juptyq, kórnekilik, suraq - jaýap, oı tolǵaý
Pánaralyq baılanys: ádebıettik oqý,
Sabaqtyń kórnekiligi: úlestirme qaǵazdar, taqyryptyq sýretter, testilik tapsyrmalar, mátinder, tirek - syzba

Sabaqtyń barysy:
İ. Uıymdastyrý kezeńi.
a) Psıhologıalyq daıyndyq. Kúnniń kózi ashylyp,
Kókte shýaq shashylyp.
Qutty qonaq kelipti,
Tórimizge enipti.
Amandasý úlkenge
Tárbıeniń basy ǵoı.
Al, kánekı, bárimiz,
Sálem bereıik úlkenge!

İİ. Úı tapsyrmasyn tekserý.
- Ózimizdiń elimizde ósetin ósimdikter jaıly qandaı málimetter jınap keldińder?
Oqýshylar jınap kelgen málimetterin aıtady.
- Balalar, osy atalǵan ósimdikter, janýarlar, qustar jaıly búgingi sabaqta aıtylady.

Jańa sabaq.
1) Fılmdi tamashalaý
- Endeshe, balalar ósimdikteri men janýarlary jaıly daıyndalǵan fılmdi tamashalaıyq.
- Fılmde kórgen ósimdik, janýarlarymyz qaıda ómir súredi?
- Dalada.
- Osy fılmdi kóre otyryp, búgingi taqyrybymyzǵa boljam jasap kórińdershi.
- Olaı bolsa, balalar, búgingi taqyrybymyz «Dala ósimdikteri men janýarlary» dep atalady.
- Osy ósimdikter men janýarlar jaıly qandaı óleń shýmaqtaryn bilesińder?
- Balalar, myna slaıdta ne beınelengen?
- Dala.

Dala ósimdikteri men janýarlary. júkteý