Danıa syrtqy ister mınıstri Lars Lekke Rasmýssen Qazaqstannan Ýkraınadaǵy atysty toqtatýǵa qol jetkizý úshin Máskeýmen dıplomatıalyq baılanysty paıdalanýdy surady. Ol bul týraly Qazaqstannyń syrtqy saıası vedomstvosynyń basshysy Muhtar Tileýberdimen kezdesken soń jýrnalıserge málimdedi, dep habarlaıdy infohub.kz saıty.
«Men Qazaqstannan Ýkraınada atysty toqtatý jáne beıbitshilikke qol jetkizý týraly kelisimderge jetý úshin Máskeýmen dıplomatıalyq baılanysty paıdalanýdy suradym», — dep keltiredi Rasmýssenniń sózin TASS.
Qazaqstan Syrtqy ister mınıstrliginde de Muhtar Tileýberdiniń Lars Lekke Rasmýssenmen bolǵan kezdesýi týraly aıtyldy. Vedomstvonyń dereginshe, danıalyq mınıstr Danıanyń Qazaqstanmen yntymaqtastyqty odan ári keńeıtýge múddeli ekenin rastap, óz eliniń syrtqy saıası jáne ekonomıkalyq kún tártibinde Ortalyq Azıanyń mańyzy artyp kele jatqanyn atap ótti.
Sonymen qatar qurmetti qonaq Lars Týesenniń Qazaqstandaǵy Danıa elshisi jáne Danıa SİM-niń Ortalyq Azıa jónindegi arnaıy ókili bolyp taǵaıyndalýy týraly pikir bildirdi.