Kaspıdegi qaıǵyly oqıǵadan keıin Qazaqstan Respýblıkasy Qarýly kúshteri Áskerı-teńiz kúshteri Bas qolbasshysynyń birinshi orynbasary Danıar Haırýshev ustaldy. Bul týraly Qorǵanys mınıstrliginiń resmı saıtynda jarıalanǵan derekterden belgili boldy, dep habarlaıdy infohub.kz saıty.
Atap aıtqanda, osy jylǵy 7 mamyrdaǵy jarıalanymda Áskerı-teńiz kúshteri bas qolbasshysynyń birinshi orynbasary Danıar Haırýshev B. Momyshuly atyndaǵy «Aıbyn» İİ dárejeli ordenimen marapattalǵany atap ótilgen — áskerlerdiń joǵary jaýyngerlik ázirligin qoldaý jáne qyzmettegi jetistikteri úshin.
Eske salaıyq, İshki ister mınıstrligi Kaspıdegi qaıǵyly oqıǵadan keıin qyzmetke nemquraıly qaraý jáne aýyr zardaptarǵa ákep soqqan keme júrgizý erejelerin buzýǵa baılanysty qylmystyq quqyq buzýshylyqtar jasady degen kúdikpen Qazaqstan Respýblıkasy Qarýly kúshteriniń joǵary jáne aǵa komandalyq quramynyń jaýapty laýazymdy tulǵalary ustalǵanyn habarlaǵan bolatyn.
Ustalǵandardyń qatarynda — Qazaqstan Respýblıkasy Qarýly kúshteri Áskerı-teńiz kúshteri Bas qolbasshysynyń birinshi orynbasary — shtab bastyǵy, eki áskerı bólim komandıri, sondaı-aq teńiz jaıaý áskeri rotasynyń jáne kater komandırleri bar. Alaıda ol kezde tegi atalmaǵan.
Barlyq beseýi kúdikti dep tanylyp, Aqtaý qalalyq polısıa basqarmasynyń ýaqytsha ustaý ızolátoryna qamaldy.
İs boıynsha ustalǵandardyń sany odan ári kóbeıýi múmkin.