Әлеуметтік желілерде қазақстандық актерлер Дариға Бадыкова мен Олжас Абайдың үйлену тойынан кадрлар пайда болды. Тойдың қалай өткенін Kursiv LifeStyle білді, деп хабарлайды infohub.kz сайты.
Салтанатқа көптеген қазақстандық жұлдыздар келді: Ерке Есмахан мен RaiM, Айқын және Жұлдыз Өмірғали, Жанболат Ербатыров пен Жазира Байрбекова, Мөлдір Мұқанова, Ләйлә Сұлтанқызы және басқа да танымал тұлғалар.
Қонақтар Instagram-дағы сторисінде күйеу жігіттің қалыңдығына арнап орындаған әсерлі әнімен бөлісті. Пікірлерде қолданушылар жұпқа қуанып, ұзақ ғұмыр тіледі.
«Дариғаның жүзі бал-бұл жайнап тұр. Аллаһ олардың бақытын арттырсын! Әйелдің көзіне от жаға білетін ерлер аз, ал Дариғаның көзінде сол от лаулап тұр. Бұрын ол еркекке ұқсайтын, қазір бойынан әйелдік мінез байқалады. Қай жаста болса да, барлық әйел бақытты болуға лайық!» — деп жазды пікір қалдырушылардың бірі.
Еске салайық, Бадыкова мен Абай «Ыстық ұя» және «Таптым-ау сені» фильмдерінде бірге ойнаған. 2025 жылы актриса тұңғыш күйеуі, актер Дархан Мұсаевпен ажырасуға шешім қабылдағанда, ол оны опасыздықта айыптады. Оның айтуынша, 2023 жылы «Таптым-ау сені» фильмі түсірілгеннен кейін отбасындағы ахуал нашарлаған. Дариға да, оның сахнадағы серіктесі де араларында қарым-қатынас болғанын жоққа шығарды: Абай тұрмыстағы әйелге көз тігу — жындылық деп атады.
Кейінірек актриса бұрынғы күйеуін асырауға мәжбүр болғанын, ал олардың некесі ресми ажырасудан әлдеқайда ерте бұзылғанын мойындады.
Бұған дейін Kursiv LifeStyle Бадыкованың бұрынғы күйеуіне қатысты полицияға арыз бергенін жазған. Ол оны бопсалады деп айыптаған.