Shyǵys Qazaqstan oblysynyń ákimi ókimimen óńir basshysynyń birinshi orynbasary bolyp Darhan Sapanov taǵaıyndaldy, dep habarlaıdy infohub.kz NUR.KZ-ge silteme jasap.
Vedomstvonyń resmı saıtynda habarlanýynsha, Darhan Sapanov 1985 jyly 2 qańtarda Shyǵys Qazaqstan oblysy Tarbaǵataı aýdanynyń Aqjar aýylynda dúnıege kelgen.
Joǵary bilimdi birneshe oqý ornynda alǵan. 2007 jyly Sárikbaev atyndaǵy Shyǵys Qazaqstan memlekettik tehnıkalyq ýnıversıtetin «ónerkásiptik jylýenergetıka» mamandyǵy boıynsha ınjener biliktiligimen támamdaǵan. 2009 jyly Amanjolov atyndaǵy Shyǵys Qazaqstan memlekettik ýnıversıtetin «menedjment» mamandyǵy boıynsha bitirgen. 2022 jyly Reseı Federasıasy Prezıdentiniń janyndaǵy Reseı halyq sharýashylyǵy jáne memlekettik qyzmet akademıasyn Doctor of Business Administration (DBA) baǵdarlamasy boıynsha aıaqtaǵan.
Eńbek jolyn 2007 jyly bastaǵan. Ár jyldary Shyǵys Qazaqstan oblysy Memlekettik sáýlet-qurylys baqylaý departamentiniń ınspeksıalaý bóliminiń bas mamany, «Astanaenergosbyt» JSHS halyqpen jumys departamentiniń ınjeneri, sondaı-aq QR Energetıka jáne mıneraldy resýrstar mınıstrliginiń Elektr energetıkasy jáne kómir ónerkásibin damytý departamentiniń sarapshysy bolyp jumys istegen.
2009-2020 jyldar aralyǵynda QR Premer-Mınıstri Keńsesinde ártúrli laýazymdardy atqarǵan: bas sarapshy, bas keńesshi, sektor meńgerýshisi, bas ınspektor jáne ındýstrıalyq-ınnovasıalyq damý bólimi meńgerýshisiniń orynbasary. 2020-2023 jyldar aralyǵynda QR Prezıdenti Ákimshiliginiń memlekettik ınspektory bolǵan.
2023 jylǵy aqpannan bastap Shyǵys Qazaqstan oblysy ákiminiń orynbasary qyzmetin atqarǵan. Memlekettik qyzmetke qosqan úlesi úshin 2018 jyly Darhan Sapanov «Eren eńbegi úshin» memlekettik medalimen marapattalǵan.
«Darhan Sapanovtyń oblys ákiminiń birinshi orynbasary bolyp taǵaıyndalýy – onyń memlekettik basqarý, ónerkásipti damytý jáne áleýmettik-ekonomıkalyq saıasatty júzege asyrýmen baılanysty kásibı mansabynyń kezekti kezeńi», – dep atap ótti ákimdikte.
Eske sala keteıik, buryn SHQO ákiminiń birinshi orynbasary qyzmetin Jaqsylyq Omar atqarǵan edi. Bıyl sáýirde ol alaıaqtyq jáne para alý úshin 6 jylǵa bas bostandyǵynan aıyryldy. Ol apelásıalyq shaǵym túsirgen, biraq úkim kúshinde qaldy. Osydan keıin óńir basshysy Nurymbet Saktaǵanov belgilengen tártippen óz otstavkasy týraly ótinish bildirgen. Qaraý nátıjesinde iske qatysy joqtyǵy eskerilip, ony qanaǵattandyrmaý týraly sheshim qabyldanǵan.